Publish Date: Fri, 22 May 2020 (14:10 IST)
Updated Date: Fri, 22 May 2020 (14:35 IST)
അരുവിക്കര ഡാമിന്റെ അഞ്ച് ഷട്ടറുകള് തുറന്നതിനാല് കരമനയാറിന്റെ ഇരുവശങ്ങളിലും താമസിക്കുന്നവര്ക്ക് ജാഗ്രതാ നിര്ദേശം നല്കി. വൃഷ്ടി പ്രദേശത്ത് കനത്ത മഴ തുടരുന്നതിനാലാണ് ഡാമിന്റെ അഞ്ചു ഷട്ടറുകള് തുറന്നത്. നാലു ഷട്ടറുകള് 1.25 മീറ്റര് വീതവും അഞ്ചാമത്തെ ഷട്ടര് ഒരു മീറ്ററുമാണ് തുറന്നത്. ഷട്ടര് തുറന്നതു മൂലം കരമനയാറ്റില് ജലനിരപ്പ് ഉയരുന്നതിനാല് ആറിന്റെ ഇരുകരകളിലും താമസിക്കുന്നവര് ജാഗ്രത പുലര്ത്തണമെന്ന് വാട്ടര് അതോറിറ്റിയാണ് അറിയിച്ചത്.
അതേസമയം മലങ്കര അണക്കെട്ടിന്റെ ആറുഷട്ടറുകളില് മൂന്നെണ്ണം 20 സെന്റീമീറ്റര് വീതം തുറന്നിട്ടുണ്ട്. തൊടുപുഴ, മൂവാറ്റുപുഴ നദികളുടെ കൈവഴികളുടെ തീരങ്ങളില് താമസിക്കുന്നവര് ജാഗ്രത പുലര്ത്തണമെന്ന് അറിയിച്ചിട്ടുണ്ട്.
