ബുമ്ര മുംബൈ ഇന്ത്യന്‍സിനായാണ് കളിക്കുന്നത് എന്നതിനാല്‍ സന്തോഷവാനാണ് താനെന്ന് മുംബൈ ഇന്ത്യന്‍സ് താരം സൂര്യകുമാര്‍ യാദവ്. ഇന്നലെ ആര്‍സിബിക്കെതിരായ പോരാട്ടത്തില്‍ 5 വിക്കറ്റ് നേടി കളിയിലെ താരമാകാന്‍ ബുമ്രയ്ക്ക് സാധിച്ചിരുന്നു. ഇതിന് പിന്നാലെയാണ് താരത്തിനെ പുകഴ്ത്തികൊണ്ട് സൂര്യകുമാര്‍ രംഗത്തെത്തിയത്.
ബുമ്രയെ വാതോരാതെ പ്രശംസിച്ച സൂര്യകുമാര്‍ യാദവ് കഴിഞ്ഞ 2-3 വര്‍ഷങ്ങളിലായി നെറ്റ്‌സില്‍ പോലും നേരിട്ടിട്ടില്ലെന്ന് വ്യക്തമാക്കി. അതിനുള്ള കാരണവും സൂര്യ വ്യക്തമാക്കി. ഏകദേശം 2-3 വര്‍ഷക്കാലമായി ഞാന്‍ നെറ്റ്‌സില്‍ ബുമ്രയ്‌ക്കെതിരെ ബാറ്റ് ചെയ്തിട്ടില്ല. കാരണം ഒന്നെങ്കില്‍ അവന്‍ എന്റെ ബാറ്റ് ഒടിക്കും. അല്ലെങ്കില്‍ എന്റെ കാലൊടിക്കും. സൂര്യകുമാര്‍ പറഞ്ഞു.
