ഐപിഎല്ലിലേക്ക് തിരിച്ചെത്തുമെന്ന് സൂചന നല്‍കി വെടിക്കെട്ട് ബാറ്റര്‍ എബി ഡിവില്ലിയേഴ്‌സ്. 2023 സീസണില്‍ റോയല്‍ ചലഞ്ചേഴ്‌സ് ബാംഗ്ലൂരിനൊപ്പം ഉണ്ടാകുമെന്നാണ് ഡിവില്ലിയേഴ്‌സ് പറയുന്നത്. 2001 മുതല്‍ റോയല്‍ ചലഞ്ചേഴ്‌സ് ബാംഗ്ലൂരിനായി കളിച്ച ഡിവില്ലിയേഴ്‌സ് 2021 ലാണ് ഐപിഎല്ലില്‍ നിന്ന് വിരമിച്ചത്. അതേസമയം, താന്‍ ആര്‍സിബിക്കൊപ്പം ഉണ്ടാകുമെന്ന് ഡിവില്ലിയേഴ്‌സ് പറയുന്നുണ്ടെങ്കിലും അത് കളിക്കാരനായാണോ അതോ പരിശീലക സംഘത്തിലാണോ എന്ന കാര്യത്തില്‍ വ്യക്തത നല്‍കിയിട്ടില്ല.
