ഗൗട്ടെങ്ങില്‍ ഒരു സ്ത്രീയും 10 കുഞ്ഞുങ്ങള്‍ക്ക് ജന്മം നല്‍കിയിട്ടില്ലെന്ന് സര്‍ക്കാര്‍ പ്രസ്താവന

കഴിഞ്ഞ ദിവസം പ്രചരിച്ച വാര്‍ത്ത ആയിരുന്നു ദക്ഷിണാഫ്രിക്കയിലെ ഗൗട്ടെങ്ങില്‍ ഒരു സ്ത്രീ 10 കുഞ്ഞുങ്ങള്‍ക്ക് ജന്മം നല്‍കിയെന്നത്. ഗോസിയാം തമാര എന്ന സ്ത്രീ 7 ആണ്‍കുട്ടികളും 3 പെണ്‍കുട്ടികള്‍ക്കും ജന്മം നല്‍കിയെന്നായിരുന്നു വാര്‍ത്ത. എന്നാല്‍ ഗൗട്ടെങ്ങില്‍ ഒരു സ്ത്രീയും 10 കുഞ്ഞുങ്ങള്‍ക്ക് ജന്മം നല്‍കിയിട്ടില്ലെന്ന് ദക്ഷിണാഫ്രിക്കന്‍ പ്രവിശ്യയിലെ സര്‍ക്കാര്‍ വ്യക്തമാക്കി. 

സര്‍ക്കാര്‍ ഇക്കാര്യം വ്യക്തമാക്കിയെങ്കിലും കുടുംബം 10 കുഞ്ഞുങ്ങള്‍ക്കായി കാത്തിരിക്കുകയാണെന്നും ചിലര്‍ പറയുന്നുണ്ട്. സര്‍ക്കാരിന്റെ പ്രസ്താവന നെറ്റിസണ്‍മാരെ ആശയക്കുഴപ്പത്തിലാക്കിയിരിക്കുകയാണ്.