ലോകത്ത് ഇറച്ചിക്ക് വേണ്ടി ഒരു വര്‍ഷം കൊല്ലുന്നത് ആയിരം കോടി ജീവികളെ; ഒരുകോടി പൂച്ച!

ലോകത്ത് ഇറച്ചിക്ക് വേണ്ടി ഒരു വര്‍ഷം കൊല്ലുന്നത് ആയിരം കോടി ജീവികളെ. അമേരിക്കയിലെ നടത്തിയ ഒരു പഠനത്തിലാണ് കണക്കുകള്‍ പുറത്തുവന്നത്. ലോകത്തെ ആകെ മനുഷ്യ ജനസംഖ്യ 810 കോടിയാണ്. ഇത്രയും മനുഷ്യ സംഖ്യ ഒരു വര്‍ഷം കഴിക്കുന്നത് ആയിരം കോടി ജീവികളെയും. അതേസമയം ലോകത്ത് ഫാമുകളില്‍ വളരുന്ന ജീവികളുടെ എണ്ണം 2300 കോടി ആണെന്നും പഠനത്തില്‍ പറയുന്നു. ഇതില്‍ കോഴികള്‍ മാത്രം 1900 കോടിയുണ്ട്. മാംസാഹാരം ഏറ്റവും കൂടുതല്‍ വില്പന നടക്കുന്നത് ചൈനയിലാണ്. രണ്ടാമത് അമേരിക്കയിലും. 

ചൈനയില്‍ 91.37 മില്യന്‍ ടണ്‍ മാംസാഹാരമാണ് വില്‍ക്കുന്നത്. രണ്ടാം സ്ഥാനത്തുള്ള അമേരിക്കയില്‍ 42.57 മില്യണ്‍ ടണ്‍ ആണ് വില്‍പ്പന.  അതേസമയം ഇന്ത്യയില്‍ 6.30 മില്യണ്‍ ടണ്‍ മാംസമാണ് വില്‍ക്കുന്നത്. ലോകത്ത് 7500 കോടി കോഴികളാണ് കശാപ്പു ചെയ്യപ്പെടുന്നത്. 300 കോടി താറാവും 150 കോടി പന്നിയും 50 കോടി ആടും 30 കോടി പശുവും രണ്ടരക്കോടി നായയും ഒരു കോടി പൂച്ചയും ഒരുവര്‍ഷം കശാപ്പിനിരയാകുന്നുണ്ട്.