Publish Date: Thu, 16 Nov 2023 (11:48 IST)
Updated Date: Thu, 16 Nov 2023 (11:50 IST)
എല്ലാവരും മാസ്ക്, ശാരീരിക അകലം, കൈകളുടെ ശുചിത്വം എന്നിവ ഉറപ്പാക്കണം. പ്രായമായവരും രോഗമുള്ളവരും നിര്ബന്ധമായും മാസ്ക്, ശാരീരിക അകലം, കൈകളുടെ ശുചിത്വം എന്നിവ പാലിക്കണം. ചുമയ്ക്കുമ്പോഴും തുമ്മുമ്പോഴും ശ്രദ്ധിക്കണം.
കോവിഡ്, ഇന്ഫ്ളുവന്സ തുടങ്ങിയ ശ്വാസകോശ അണുബാധകള് കൂടുതലായി പകരാന് സാധ്യതയുള്ളത് ക്ലോസ്ഡ് സ്പേസ്, ക്രൗഡഡ് പ്ലൈസസ്, ക്ലോസ് കോണ്ടാക്ട് എന്നീ സാഹചര്യങ്ങളിലാണ്. ഈ സാഹചര്യങ്ങളില് (ഉദാ: അടച്ചിട്ട മുറികള്, മാര്ക്കറ്റുകള്-കടകള് പോലുള്ള തിരക്കുള്ള സ്ഥലങ്ങള്, മുഖാമുഖം വരിക) നിര്ബന്ധമായും ഔഷധേതര മാര്ഗനിര്ദേശങ്ങള് പാലിക്കണം.
പനി, തൊണ്ടവേദന, ജലദോഷം തുടങ്ങിയ രോഗലക്ഷണമുള്ള കുട്ടികളെ സ്കൂളില് അയയ്ക്കരുത്.എല്ലാ പ്രായമായവരും രോഗാവസ്ഥയുള്ളവരും കോവിഡ് മുന്കരുതല് ഡോസ് ലഭിച്ചിട്ടുണ്ടെന്ന് ഉറപ്പാക്കണം. കാരണം വാക്സിനേഷന് കോവിഡിന്റെ തീവ്രതയും മരണനിരക്കും കുറയ്ക്കും.
