Publish Date: Fri, 22 Nov 2024 (18:24 IST)
Updated Date: Fri, 22 Nov 2024 (18:26 IST)
എറണാകുളം : കൈക്കൂലി കേസിൽ അസിസ്റ്റൻ്റ് ലേബർ കമ്മീഷണർ പിടിയിലായി. കൈക്കൂലി വാങ്ങുന്നതിനിടെ എറണാകുളം അസിസ്റ്റൻറ് ലേബർ കമ്മീഷണറായ ഉത്തർപ്രദേശ് സ്വദേശി അജിത് കുമാറാണ് പിടിയിലായത്. ബി.പി.സി.എൽ കമ്പനിയിൽ ലേബർ തൊഴിലാളികളെ കയറ്റുന്നതുമായി ബന്ധപ്പെട്ടാണ് കൈക്കൂലി വാങ്ങിയത്.
കൊച്ചി കാക്കനാട് ഓലിമുകളിലെ കേന്ദ്ര ഡെപ്യൂട്ടി ചീഫ് ലേബർ കമ്മീഷൻ ഓഫീസിൽ വച്ച് വെള്ളിയാഴ്ച രാവിലെയായിരുന്നു സംഭവം. ഈ ഓഫീസിലും അജിത് കുമാറിൻ്റെ കൊച്ചിയിലെ വീട്ടിലും വിജിലൻസ് പരിശോധന തുടരുകയാണ്. കൂടുതൽ വിവരങ്ങൾ അറിവായിട്ടില്ല