Netherlands vs Morocco: മൊറോക്കൻ പഞ്ചിൽ നെതർലൻഡ്‌സ് ഔട്ട് ! ആവേശം ഷൂട്ടൗട്ട് വരെ നീണ്ടു

നിശ്ചിത 90 മിനിറ്റിൽ ഇരു ടീമുകളും ഓരോ ഗോൾ വീതം നേടി

Morroco vs Netherlands

Netherlands vs Morocco: ഫിഫ ലോകകപ്പിൽ നെതർലൻഡ്‌സിനെ പുറത്താക്കി മൊറോക്കോ. റൗണ്ട് 32 വിൽ പെനാൽറ്റി ഷൂട്ടൗട്ടിലൂടെയാണ് കരുത്തരായ നെതർലൻഡ്‌സിനെ മൊറോക്കോ വീഴ്ത്തിയത്. 

നിശ്ചിത 90 മിനിറ്റിൽ ഇരു ടീമുകളും ഓരോ ഗോൾ വീതം നേടി. അതിനുശേഷമുള്ള അധിക സമയ കളിയിൽ ഗോളുകൾ പിറന്നില്ല. ഇതോടെ വിജയിയെ തീരുമാനിക്കാൻ പെനാൽറ്റി ഷൂട്ടൗട്ട് നടത്തുകയായിരുന്നു. ഷൂട്ടൗട്ടിൽ 3-2 നാണ് മൊറോക്കോയുടെ ജയം. 

ഒരു ഗോളിനു പിന്നിൽ നിന്ന് ശേഷമാണ് മൊറോക്കോ കളിയിലേക്ക് തിരിച്ചെത്തിയത്. 72-ാം മിനിറ്റിൽ കോഡി ഗാക്‌പോയിലൂടെയാണ് നെതർലൻഡ്‌സ് ആദ്യ ഗോൾ നേടിയത്. മത്സരം നെതർലൻഡ്‌സ് ജയിച്ചെന്ന് ഉറപ്പിച്ച സമയത്ത് രണ്ടാം പകുതിയുടെ അധിക മിനിറ്റിൽ മൊറോക്കോയുടെ മറുപടിയെത്തി. 91-ാം മിനിറ്റിലാണ് ഇസ ദിയോപിലൂടെയാണ് മൊറോക്കോ സ്‌കോർ ചെയ്തത്.