മലയാള ചിത്രം 'ഇഷ്‌ക്' തെലുങ്കിലേക്ക് അതേ പേരില്‍ റീമേക്ക് ചെയ്തിരുന്നു. ഈ സിനിമയുടെ ട്രെയിലര്‍ പുറത്ത് വന്നു. അടുത്തുതന്നെ റിലീസ് ചെയ്യാന്‍ സാധ്യതയുള്ള ചിത്രത്തില്‍ പ്രിയ പ്രകാശ് വാര്യരാണ് നായിക. മലയാളത്തില്‍ നിന്ന് വലിയ വ്യത്യാസമില്ലാത്ത തന്നെയാണ് തെലുങ്ക് റിമേക്കും ഒരുക്കിയിരിക്കുന്നത്. അതിനുള്ള സൂചന ട്രെയിലര്‍ നല്‍കുന്നു. ഷെയ്ന്‍ നിഗം അവതരിപ്പിച്ച കഥാപാത്രത്തെ തെലുങ്കില്‍ അവതരിപ്പിക്കുന്നത് തേജ സജ്ജയാണ്. ഒരു മില്യണില്‍ കൂടുതല്‍ ആളുകള്‍ ഇതിനകം ട്രെയിലര്‍ കണ്ടുകഴിഞ്ഞു.
പ്രിയ വാര്യരും തേജയും തമ്മിലുള്ള പ്രണയവും ഇരുവരുടെയും ആദ്യത്തെ സന്തോഷത്തിന് നാളുകളും മനോഹരമായാണ് ഒരുക്കിയിരിക്കുന്നത്. പിന്നീടുണ്ടാകുന്ന ത്രില്ലിംഗ് ഒട്ടും ചോരാതെ തന്നെ റീമേക്കിലും ആസ്വദിക്കാനാകും.
എസ് എസ് രാജയാണ് സിനിമ സംവിധാനം ചെയ്യുന്നത്.മഹതി സ്വര സാഗറാണ് ചിത്രത്തിനായി സംഗീതം ഒരുക്കുന്നത്.മെഗാ സൂപ്പര്‍ ഗുഡ് ഫിലിംസിന്റെ ബാനറില്‍ എന്‍വി പ്രസാദ്, പരസ് ജെയിന്‍, വകഡ അഞ്ജന്‍ കുമാര്‍ എന്നിവര്‍ സംയുക്തമായാണ് ചിത്രം നിര്‍മ്മിക്കുന്നത്.സാം കെ നായിഡു ഛായാഗ്രഹണം നിര്‍വഹിക്കുന്നു.
