അന്ന് മോഹന്‍ലാല്‍ ചിത്രത്തിന്റെ സെറ്റില്‍ നിന്നും ദിലീപ് ഇറങ്ങിയത് കണ്ണീരോടെയായിരുന്നു!

ദിലീപിന്റെ കണ്ണില്‍ നിന്നും ഉറ്റിവീണ കണ്ണുനീര്‍ തുള്ളി കണ്ട് അദ്ദേഹത്തിന്റെ ഹൃദയം വേദനിച്ചു!

എല്ലാ നടീനടന്മാരേ പോലെ തന്നെ കഷ്ടപ്പെട്ടായിരുന്നു ഗോപാലകൃഷ്ണന്‍ എന്ന ചെറുപ്പക്കാരന്‍ ദിലീപ് ആയി മാറിയത്. സ്വന്തം കയ്യിലിരുപ്പു കൊണ്ട് തന്നെ അത് ഇല്ലാതാക്കിയെന്നും ഇപ്പോള്‍ സംസാരമുണ്ട്. നടിയെ ആക്രമിച്ച സംഭവത്തില്‍ റിമാന്‍ഡില്‍ കഴിയുന്ന താരത്തെ കുറിച്ച് പല കഥകളും പുറത്തുവരുന്നുണ്ട്. ഇക്കൂട്ടത്തില്‍ ദിലീപ് എങ്ങനെയാണ് സംവിധായകന്‍ കമലിന്റെ അസി. ഡയറക്ടര്‍ ആയതെന്നും പറയുന്നുണ്ട്. 

മോഹന്‍ലാലിനെ നായകനാക്കി കമല്‍ സംവിധാനം ചെയ്ത വിഷ്ണുലോകം എന്ന ചിത്രത്തിന്റെ ഷൂട്ടിങ് ലൊക്കേഷനില്‍ ഗോപാലകൃഷ്ണന്‍ എന്ന ചെറുപ്പക്കാരന്‍ എത്തിയത് കമലിന്റെ സഹസംവിധായകന്‍ ആകണം എന്നാഗ്രഹിച്ചായിരുന്നു. ചിത്രത്തിന്റെ നിര്‍മാതാക്കളില്‍ ഒരാളായ ജി സുരേഷ് കുമാറിനെയാണ് ഇക്കാര്യം ആവശ്യപ്പെട്ട് ദിലീപ് സമീപിച്ചത്. 

എന്നാല്‍, നിലവില്‍ ഒരുപാട് സഹസംവിധായകര്‍ ഉണ്ടായിരുന്നതിനാല്‍ ഒരാളെ കൂടി വെക്കാന്‍ ബുദ്ധിമുട്ടാണെന്നായിരുന്നു സുരേഷിന്റെ മറുപടി. അദ്ദേഹത്തിന്റെ മറുപടി കേട്ട് നിരാശനായ ദിലീപിന്റെ കണ്ണുകള്‍ നിറഞ്ഞു. ദിലീപിന്റെ കണ്ണില്‍ നിന്നും ഉറ്റിവീണ കണ്ണുനീര്‍ തുള്ളി കണ്ട് സുരേഷിന്റെ ഹൃദയം വേദനിച്ചുവത്രേ. അങ്ങനെ, ദിലീപിനെ തിരിച്ചുവിളിച്ച് കമലിന്റെ അസി. ആക്കുകയായിരുന്നു. അവിടെ നിന്നുമായിരുന്നു ദിലീപ് എന്ന നടന്‍ ജനിച്ചത്.