‘സ്റ്റാർ വാർ’ ഷൂട്ടിങ്ങിനിടെ അപകടം; വൻദുരന്തത്തില്‍ നിന്നും നടി സരയു രക്ഷപെട്ടത് തലനാരിഴയ്ക്ക് - വീഡിയോ

മലമുകളിലേക്കുള്ള സാഹസിക കയറ്റത്തിനിടെ പാറ അടര്‍ന്നുവീണു; നടി സരയു രക്ഷപ്പെട്ടത് തലനാരിഴയ്ക്ക്

സൂര്യടിവിയിലെ സ്റ്റാര്‍വാര്‍ എന്ന അഡ്വഞ്ചര്‍ റിയാലിറ്റി ഷോയ്ക്കിടെയുണ്ടായ അപകടത്തില്‍ പ്രശസ്ത സിനിമാ സീരിയല്‍ താരം സരയു രക്ഷപ്പെട്ടത് തലനാരിഴയ്ക്ക്. വലിയൊരു അപകടത്തില്‍ നിന്നും സരയു രക്ഷപ്പെടുന്ന വീഡിയോയാണ് ഇപ്പോള്‍ സമൂഹമാധ്യമങ്ങളിലൂടെ പ്രചരിക്കുന്നത്. 

സരയുവും അവരുടേ പെയര്‍ അനീഷ് റഹ്മാനുമായുള്ള ടീമിന്റെ പ്രകടനത്തിനിടെയാണ് അപകടം നടന്നത്. കയറില്‍ തൂങ്ങി ഇരുവരും മലമുകളിലേക്ക് കയറുന്നതിനിടെയാണ് വലിയൊരു പാറകഷ്ണം അടര്‍ന്ന് സരയുവിന് നേരെ വീണത്. 

പാറകഷ്ണത്തിന്റെ വീഴ്ചയില്‍ നിന്നും തലനാരിഴയ്ക്കായിരുന്നു സരയുവിന്റെ രക്ഷപ്പെടല്‍. ഇരുവരുടേയും പ്രകടനം താഴെ നിന്നും വീക്ഷിച്ചിരുന്ന മറ്റ് സഹപ്രവര്‍ത്തകരും വലിയ ഞെട്ടലോടെയാണ് ഈ സംഭവത്തെ കണ്ടത്.  

വീഡിയോ കാണാം: