പറഞ്ഞത് പോലെ തന്നെ സംഭവിച്ചു! പൃഥ്വിരാജ് രണ്ടും കല്‍പ്പിച്ച്?

തുടക്കം തന്നെ വമ്പന്‍ സിനിമ പ്രഖ്യാപിച്ച് പൃഥ്വിരാജ് പ്രൊഡക്ഷന്‍സ്!

പ്രണയത്തിന്റെ നൂറു ദിവസങ്ങള്‍ മലയാളിയ്ക്ക് സമ്മാനിച്ച യുവ സംവിധായകന്‍ ജെനൂസ് മുഹമ്മദിന്റെ രണ്ടാമത്തെ സിനിമ പ്രഖ്യാപിച്ചു. നായകന്‍ പൃഥ്വിരാജ്. ‘ 9 ’ (ഒന്‍‌പത്) എന്നാണ് ചിത്രത്തിന്റെ പേര്. ചിത്രത്തിലെ അഭിനേതാക്കളെ കുറിച്ചുള്ള കൂടുതല്‍ വിവരങ്ങള്‍ അടുത്ത് തന്നെ അറിയിക്കുമെന്ന് താരം അറിയിച്ചു.

സംവിധായകന്‍ കമലിന്റെ മകനാണ് ജെനൂസ്. ജെനൂസ് സംവിധാനം ചെയ്ത ആദ്യചിത്രത്തില്‍ ദുല്‍ഖര്‍ സല്‍മാന്‍ ആയിരുന്നു നായകന്‍.    

പൃഥ്വിരാജ് പ്രൊഡക്ഷന്‍സ് ആണ് ചിത്രം നിര്‍മിക്കുന്നത്. ഇതിനായി അന്താരാഷ്ട്ര നിര്‍മ്മാണ കമ്പനിയായ സോണി പിക്ചേഴ്സുമായി പൃഥ്വിരാജ് പ്രൊഡക്ഷന്‍സ് കൈകോര്‍ത്തിരുന്നു. മലയാളത്തിലെ ഒരു മികച്ച തിരക്കഥ കിട്ടിയത് അനുസരിച്ചാണ് സോണി പിക്ചേഴ്സുമായി സംസാരിച്ചതെന്നും കഥ കേട്ട് അവര്‍ നിര്‍മ്മാണത്തില്‍ പങ്കാളിയാകാമെന്ന് സമ്മതിക്കുകയായിരുന്നെന്നും പൃഥ്വിരാജ് പറഞ്ഞിരുന്നു.

ഓഗസ്റ്റ് സിനിമാസുമായി വേര്‍പിരിഞ്ഞ ശേഷമാണ് പൃഥ്വിരാജ് സ്വന്തം പേരില്‍ നിര്‍മ്മാണ കമ്പനി പ്രഖ്യാപിച്ചത്. ആദ്യ പ്രോജക്ട് തന്നെ വമ്പന്‍ സിനിമയുമായി രംഗത്തു വരാനായാണ് സോണി പിക്ചേഴ്സുമായി കൈകോര്‍ക്കുന്നത്. ഇതാദ്യമായിട്ടാണ് സോണി പിക്ചേഴ്സ് മലയാളത്തില്‍ ഒരു സിനിമയ്ക്കായി പണം മുടക്കുന്നത്.