ലൂസിഫറിന് തുടക്കം; ത്രസിപ്പിക്കാന്‍ മോഹന്‍ലാലും പൃഥ്വിയും!

ലൂസിഫറിന്റെ ടൈറ്റില്‍ പുറത്ത്

പ്രേക്ഷകര്‍ ആകാംക്ഷഭരിതമായി കാത്തിരിക്കുന്ന ലൂസിഫറിന്റെ ടൈറ്റില്‍ ഫോണ്ട് മോഹന്‍‌ലാല്‍ പുറത്തിറക്കി. 

പൃഥ്വിരാജിന്റെ സംവിധാനത്തില്‍ മോഹന്‍ലാല്‍ നായകനാകുന്ന ചിത്രമാണ് ലൂസിഫര്‍. ടൈറ്റിൽ സംഗീതം ദീപക് ദേവ്.

ആശീര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിക്കുന്ന ചിത്രത്തിന്റെ തിരക്കഥ ഒരുക്കുന്നത് നടന്‍ മുരളി ഗോപിയാണ്. സിനിമയുടെ ചിത്രീകരണം ഉടൻ ആരംഭിക്കും.

ലൂസിഫറിന്റെ പൂർത്തിയായ തിരക്കഥയുമായി പൃഥ്വിരാജ് നേരത്തെ തന്നെ മോഹന്‍‌ലാലിനെ സമീപിച്ചിരുന്നു. “ലൂസിഫർ വളരെ നല്ല സിനിമയായിരിക്കും. അതിന്റെ മേക്കിങിലും കഥ പറയുന്ന രീതിയിലും ഒരുപാട് പ്രത്യേകതകൾ ഉണ്ട്“ എന്നാണ് തിരക്കഥ വായിച്ച ശേഷം മോഹന്‍ലാല്‍ പറഞ്ഞത്. മഹത്തായ സിനിമയല്ലെങ്കിലും പ്രേക്ഷകരെ എന്റർടെയ്‌ന്‍ ചെയ്യിക്കാന്‍ ലൂസിഫറിനാകും.

ടിയാന്‍ എന്ന സിനിമയുടെ ലൊക്കേഷനില്‍ വച്ചുനടന്ന ചര്‍ച്ചകള്‍ക്കിടെയാണ് മോഹന്‍ലാലിനെ നായകനാക്കി സിനിമ ചെയ്യാന്‍ പൃഥ്വി തീരുമാനിച്ചത്. ലൂസിഫര്‍ എന്ന തിരക്കഥ മുരളി ഗോപി പൃഥ്വിക്ക് നല്‍കിയതും ഈ ലൊക്കേഷനില്‍ വച്ചാണ്.

‘ഈ അടുത്ത കാലത്ത്’, ‘ലെഫ്റ്റ് റൈറ്റ് ലെഫ്റ്റ്’ എന്നിവ ബ്രില്യന്‍റ് തിരക്കഥകളായിരുന്നു. മോഹന്‍ലാലിനെ മനസില്‍ കണ്ടെഴുതിയ ലൂസിഫറും വളരെ ത്രില്ലിംഗാണെന്ന അഭിപ്രായമാണുള്ളത്. സിനിമാലോകത്തെ പലരും ഈ ചിത്രത്തിന്‍റെ കഥ കേട്ട് വളരെ ഗംഭീരമാണെന്ന അഭിപ്രായമാണ് പ്രകടിപ്പിച്ചിരിക്കുന്നത്.

എന്തായാലും പൃഥ്വിരാജ് സംവിധാനം ചെയ്യുന്ന ലൂസിഫര്‍ മോഹന്‍ലാലിന്‍റെ കരിയറിലെ ഏറ്റവും വലിയ മാസ് സിനിമയായിരിക്കും എന്നുറപ്പ്.