Mammootty-Mohanlal film Official Announcement Live Updates: കേരളം കാത്തിരിക്കുന്ന വമ്പന്‍ സിനിമയുടെ പ്രഖ്യാപനം ഉടന്‍?

സംവിധായകന്‍ മഹേഷ് നാരായണനും മോഹന്‍ലാലും ഇപ്പോള്‍ ശ്രീലങ്കയിലുണ്ട്

Mammootty-Mohanlal Film Official Announcement Live Updates: 11 വര്‍ഷത്തെ ഇടവേളയ്ക്കു ശേഷം മമ്മൂട്ടിയും മോഹന്‍ലാലും ഒരു സിനിമയ്ക്കായി ഒന്നിക്കുന്നു. മഹേഷ് നാരായണന്‍ സംവിധാനം ചെയ്യുന്ന ബിഗ് ബജറ്റ് ചിത്രത്തിന്റെ ഔദ്യോഗിക പ്രഖ്യാപനം ഉടനുണ്ടാകും. മമ്മൂട്ടി കേന്ദ്ര കഥാപാത്രത്തെ അവതരിപ്പിക്കുന്ന ചിത്രത്തില്‍ സുപ്രധാന കാമിയോ റോളില്‍ ആണ് മോഹന്‍ലാല്‍ എത്തുക. 

സംവിധായകന്‍ മഹേഷ് നാരായണനും മോഹന്‍ലാലും ഇപ്പോള്‍ ശ്രീലങ്കയിലുണ്ട്. മമ്മൂട്ടി ഉടനെ ലങ്കയിലേക്ക് തിരിക്കും. മമ്മൂട്ടി എത്തിയ ശേഷമായിരിക്കും ഈ പ്രൊജക്ടിന്റെ ഔദ്യോഗിക പ്രഖ്യാപനം. ഫഹദ് ഫാസിലും കുഞ്ചാക്കോ ബോബനും ഈ സിനിമയുടെ ഭാഗമാകും. കുഞ്ചാക്കോ ബോബന്‍ ഇന്ന് ശ്രീലങ്കയില്‍ എത്തുമെന്നാണ് വിവരം. 

മമ്മൂട്ടി-മോഹന്‍ലാല്‍ സീനുകള്‍ ശ്രീലങ്കയിലാണ് ഷൂട്ട് ചെയ്യുക. 20 ദിവസമാണ് ഈ പ്രൊജക്ടിനായി ലാല്‍ നല്‍കിയിരിക്കുന്നത്. കേന്ദ്ര കഥാപാത്രം അവതരിപ്പിക്കുന്ന മമ്മൂട്ടി നൂറ് ദിവസത്തോളം ഈ സിനിമയില്‍ അഭിനയിക്കും. സുഷിന്‍ ശ്യാം ആണ് സംഗീതം നിര്‍വഹിക്കുന്നത്.