മൂന്ന് കിലോഗ്രാമോളം ഭാരം വരുന്ന ബർഗർ 4 മിനിറ്റിൽ തിന്ന് യുവാവ്: വീഡിയോ

ഒരു മിനിമം സൈസ് ഉള്ള ബർഗർ തിന്നാൻ എത്ര മിനിറ്റെടുക്കും? ഒരു അഞ്ചോ പത്തോ മിനിറ്റ് തന്നെ ഏതൊരാൾക്കും വേണ്ടിവരും. എന്നാൽ 2.94 കിലോ​ഗ്രാം ഭാരം വരുന്ന ബർ​ഗർ കഴിക്കാൻ എത്ര സമയമെടുക്കും ? വെറും നാല് മിനിറ്റിൽ ഈ ഭീമൻ ബർഗർ തിന്ന് തീർത്ത് കൊണ്ട് ഇന്റർനെറ്റിൽ തരംഗമായിരിക്കുകയാണ് അമേരിക്കൻ സ്വദേശിയായ യുവാവ്.

2.94 കിലോ​ഗ്രാം ഭാരം വരുന്ന ബർ​ഗറിൽ 40 സ്ലൈസ് ബേക്കണും, 8.5 പാറ്റികളും, 16 സ്ലൈസ് ചീസും, ഒരു വലിയ സവാളയും രണ്ട് തക്കാളിയും മുളകും ബണ്ണുമാണുള്ളത്. തീറ്റ മത്സരത്തിലൂടെ പ്രശസ്തനായ മാറ്റ് സ്റ്റോണിയാണ് ഈ ഭീമൻ ബർഗർ 4 മിനിറ്റിൽ അകത്താക്കിയത്.14.6 മില്യൺ ഫോളോവർമാരുള്ള മാറ്റ് സ്റ്റോണിയുടെ യൂട്യൂബ് ചാനലിൽ ഇതിന്റെ വീഡിയോ അപ്‌ലോഡ് ചെയ്‌തിട്ടുണ്ട്. ഇതിനോടകം 82 ലക്ഷത്തിലധികം പേരാണ് ഈ വീഡിയോ കണ്ടു തീർത്തത്.