പൃഥ്വിരാജിന്റെ കോള്‍ഡ് കേസിന് പിന്നാലെ ഭ്രമവും ഒ.ടി.ടി റിലീസിന്. ആമസോണ്‍ പ്രേമിലൂടെ വൈകാതെ തന്നെ സ്ട്രീമിംഗ് ആരംഭിക്കും എന്നാണ് കേള്‍ക്കുന്നത്. ഫഹദ് ഫാസിലിന്റെ മാലിക്കും ഇത്തരത്തില്‍ ഒ.ടി.ടി റിലീസിന് ഒരുങ്ങുകയാണ്.സാമ്പത്തിക ബുദ്ധിമുട്ടാണ് ഇത്തരമൊരു തീരുമാനം എടുക്കുന്നതിന് പിന്നിലെന്ന് നിര്‍മ്മാതാവ് ആന്റോ ജോസഫ് പറഞ്ഞിരുന്നു.
പൃഥ്വിരാജ് സുകുമാരനും ഉണ്ണി മുകുന്ദനും ആദ്യമായി ഒന്നിക്കുന്ന ചിത്രമാണ് ഭ്രമം. ഛായാഗ്രാഹകന്‍ രവി കെ ചന്ദ്രന്‍ സംവിധാനം ചെയ്ത ചിത്രീകരണം അടുത്തിടെയാണ് പൂര്‍ത്തിയായത്. ബോളിവുഡ് ഹിറ്റ് ചിത്രമായ 'അന്ധാദുന്‍'ന്റെ റിമേക്ക് ആണ്. പിയാനിസ്റ്റായി ആയാണ് പൃഥ്വിരാജ് അഭിനയിക്കുന്നത്.പോലീസ് ഇന്‍സ്പെക്ടറുടെ വേഷത്തില്‍ ഉണ്ണി മുകുന്ദനും വേഷമിടുന്നു.
രാഷി ഖന്ന, മംമ്ത മോഹന്‍ദാസ്, സുരഭി ലക്ഷ്മി, ജഗദീഷ് എന്നിവരാണ് ഭ്രമത്തില്‍ മറ്റു പ്രധാന വേഷങ്ങളില്‍ എത്തുന്നത്.
