Publish Date: Sat, 03 Jul 2021 (09:11 IST)
Updated Date: Sat, 03 Jul 2021 (09:13 IST)
വരാനിരിക്കുന്ന ചിത്രമായ പുഷ്പയുടെ തിരക്കിലാണ് അല്ലു അര്‍ജുന്‍.സുകുമാര്‍ സംവിധാനം ചെയ്യുന്ന സിനിമയില്‍ ഫഹദ് ഫാസിലും അഭിനയിക്കുന്നുണ്ട്. അവസാന ഭാഗങ്ങളുടെ ചിത്രീകരണമാണ് ഇനി പൂര്‍ത്തിയാക്കാനുള്ളത്.അല്ലുവിന്റെ പുതിയ ചിത്രത്തെക്കുറിച്ചുള്ള ചര്‍ച്ചകളിലാണ് സിനിമ ലോകം. നടന്റെ അടുത്ത ചിത്രം എ ആര്‍ മുരുഗദോസ് സംവിധാനം ചെയ്യുമെന്നാണ് റിപ്പോര്‍ട്ടുകള്‍.
ഈ സിനിമയുമായി ബന്ധപ്പെട്ട ചര്‍ച്ചകള്‍ പുരോഗമിക്കുകയാണ്.കാലൈപുലി താനു ചിത്രം നിര്‍മ്മിക്കും. വളരെ ശ്രദ്ധയോടെ മാത്രമേ അല്ലു അര്‍ജുന്‍ സിനിമകള്‍ തെരഞ്ഞെടുക്കാറുള്ളു. വര്‍ഷത്തില്‍ ഒന്നോ രണ്ടോ ചിത്രങ്ങള്‍ ചെയ്യാറുള്ള താരത്തിന്റെ പുത്തന്‍ വിശേഷങ്ങള്‍ അറിയുവാന്‍ ആരാധകരും കാതോര്‍ക്കുകയാണ്.'അല വൈകുണ്ഠപുരമുലോ' എന്ന സൂപ്പര്‍ഹിറ്റ് ചിത്രത്തിന് ശേഷം പുഷ്പ ആണ് ഇനി വരാനുള്ളത്.
