Publish Date: Tue, 08 Feb 2022 (10:15 IST)
Updated Date: Tue, 08 Feb 2022 (10:17 IST)
പത്തനംതിട്ട: ശബരിമല ശ്രീധർമ്മ ശാസ്താ ക്ഷേത്രത്തിലെ കുംഭമാസ പൂജയ്ക്ക് ദിവസേന 15000 തീർത്ഥാടകർക്ക് പ്രവേശനം അനുവദിക്കും. ഇതിന്റെ ഭാഗമായി കഴിഞ്ഞ ദിവസം വൈകിട്ട് മുതൽ വെർച്വൽ ക്യൂ ബുക്കിംഗും ആരംഭിച്ചു.
കുംഭമാസ പൂജയ്ക്ക് ഫെബ്രുവരി പന്ത്രണ്ടിന് വൈകിട്ട് അഞ്ചു മണിക്ക് നട തുറക്കും. കുംഭം ഒന്ന് (ഫെബ്രുവരി പതിമൂന്നു) ഞായറാഴ്ച മുതൽ ഭക്തരെ പ്രവേശിപ്പിക്കും. പതിനേഴിന് രാത്രി തിരുനട അടയ്ക്കും.
കഴിഞ്ഞ മകര വിലക്ക് കാലത്ത് തുടക്കത്തിൽ കോവിഡ് മാനദണ്ഡങ്ങൾക്ക് അനുസൃതമായി ദർശനത്തിന് എത്തുന്നവരുടെ എണ്ണം പരിമിതപ്പെടുത്തിയിരുന്നു എങ്കിലും പിന്നീട് തിരക്കേറിയതോടെ എണ്ണം കൂട്ടുകയായിരുന്നു.
