Siraj vs Root: ഇങ്ങനെ ബോറടിപ്പിക്കണോ?, ബാസ് ബോൾ കളി പിള്ളേരെ, റൂട്ടിനെ ചൊറിഞ്ഞ് സിറാജ്

Siraj- Root

കഴിഞ്ഞ കുറച്ച് വര്‍ഷങ്ങളായി ടെസ്റ്റ് ക്രിക്കറ്റിലും ഏകദിനശൈലിയിലുള്ള പ്രകടനമാണ് ഇംഗ്ലണ്ട് ക്രിക്കറ്റ് ടീം നടത്തുന്നത്. തുടക്കം മുതല്‍ അവസാനം വരെ ആക്രമണം എന്ന ബാസ് ബോള്‍ രീതിയ്ക്ക് തുടക്കത്തില്‍ വിജയങ്ങള്‍ അവകാശപ്പെടാനുണ്ടായിരുന്നെങ്കിലും പലപ്പോഴും മികച്ച ടീമുകള്‍ക്ക് മുന്നില്‍ ഈ തന്ത്രം ഫലപ്രദമായിരുന്നില്ല.ഇന്ത്യക്കെതിരെയും ബാസ്‌ബോള്‍ ശൈലിയില്‍ തന്നെയാകും കളിക്കുക എന്ന് തന്നെയാണ് ഇംഗ്ലണ്ട് വ്യക്തമാക്കിയിരുന്നു. എന്നാല്‍ എഡ്ജ്ബാസ്റ്റണ്‍ ടെസ്റ്റിലെ പരാജയത്തിന് പിന്നാലെ ബാസ്‌ബോള്‍ വേണ്ട ബ്ലോക്ക് ബോള്‍ മതിയെന്ന തരത്തില്‍ ഇംഗ്ലണ്ട് മാറിയിരുന്നു.

 ലോര്‍ഡ്‌സ് ടെസ്റ്റിലെ ആദ്യദിനം അവസാനിക്കുമ്പോള്‍ 4 വിക്കറ്റ് നഷ്ടത്തില്‍ 251 റണ്‍സെന്ന നിലയിലാണ് ഇംഗ്ലണ്ട്. ഓവറില്‍ 3.02 നിരക്കിലാണ് ഇംഗ്ലണ്ട് സ്‌കോര്‍ ചെയ്യുന്നത്. ഇംഗ്ലണ്ട് നായകനായ ബെന്‍ സ്റ്റോക്‌സ് ഇതിനകം 102 പന്തുകളില്‍ നിന്ന് 39 റണ്‍സും ജോ റൂട്ട് 191 പന്തുകളില്‍ നിന്നും 99 റണ്‍സും മാത്രമാണ് നേടിയിട്ടുള്ളത്. ഇതിനിടെ മത്സരത്തില്‍ ജോ റൂട്ടിനെ സ്ലെഡ്ജ് ചെയ്തിരിക്കുകയാണ് ഇന്ത്യന്‍ പേസറായ മുഹമ്മദ് സിറാജ്.