കാൽക്കുലേറ്ററും കൂട്ടലും കിഴിക്കലും വേണ്ട, ഗുജറാത്തിനെതിരെ ഇന്ന് ജയിച്ചാൽ ബാംഗ്ലൂർ പ്ലേ ഓഫിൽ

ഐപിഎല്ലില്‍ പ്ലേ ഓഫ് ഉറപ്പിക്കാല്‍ റോയല്‍ ചലഞ്ചേഴ്‌സ് ബാംഗ്ലൂര്‍ ഇന്നിറങ്ങുന്നു. പോയന്റ് ടെബിളിലെ ഒന്നാം സ്ഥാനക്കാരായ ഗുജറാത്ത് ടൈറ്റന്‍സാണ് ആര്‍സിബിയുടെ എതിരാളികള്‍. മറ്റൊരു മത്സരത്തില്‍ മുംബൈ ഇന്ന് ഹൈദരാബാദിനെ നേരിടും. പ്ലേ ഓഫില്‍ യോഗ്യത നേടണമെങ്കില്‍ ആര്‍സിബിക്കും മുംബൈയ്ക്കും ഇന്നത്തെ മത്സരത്തില്‍ വിജയിക്കേണ്ടതുണ്ട്. പക്ഷേ ബാംഗ്ലൂര്‍ വിജയിച്ചാല്‍ ഇന്നത്തെ മത്സരത്തില്‍ വിജയിച്ചാലും മുംബൈയ്ക്ക് യോഗ്യത നേടാനാവില്ല.

14 പോയന്റുമായി രാജസ്ഥാന്‍ റോയല്‍സ് ആര്‍സിബിക്ക് ഒപ്പമാണെങ്കിലും നെറ്റ് റണ്‍റേറ്റില്‍ മുന്നിലുള്ളത് ആര്‍സിബിക്ക് ഗുണം ചെയ്യും. 18 പോയന്റുള്ള ഗുജറാത്തിന് ഇന്നത്തെ മത്സരം നിര്‍ണായകമല്ല. പ്ലേ ഓഫ് മത്സരത്തിന് മുന്‍പ് ടീമിലെ പ്രധാനതാരങ്ങള്‍ക്ക് ഗുജറാത്ത് ഇന്ന് വിശ്രമം നല്‍കുകയാണെങ്കില്‍ ബാംഗ്ലൂരിന്റെ സാധ്യതകളെ അത് വര്‍ധിപ്പിക്കും. വിരാട് കോലി,ഫാഫ് ഡുപ്ലെസിസ്,മാക്‌സ്വെല്‍ എന്നീ 3 താരങ്ങളെ മാത്രം ആശ്രയിക്കുന്നതാണ് ബാംഗ്ലൂരിന്റെ ബാറ്റിംഗ് നിര മുന്‍നിര തുടക്കം തന്നെ കൂടാരം കയറിയാല്‍ മത്സരത്തില്‍ വിജയിക്കുക എന്നത് ഗുജറാത്തിനെ സംബന്ധിച്ചിടത്തോളം പ്രയാസകരമാകില്ല.