Publish Date: Mon, 24 Feb 2025 (13:07 IST)
Updated Date: Mon, 24 Feb 2025 (13:10 IST)
അഭിനേതാക്കള് പ്രതിഫലം കുറയ്ക്കണമെന്ന നിര്മാതാക്കളുടെ സംഘടനയുടെ ആവശ്യം തള്ളി ചലച്ചിത്ര താരങ്ങളുടെ സംഘടനയായ അമ്മ. സമരതീരുമാനം അംഗീകരിക്കാന് കഴിയില്ലെന്നും ചലച്ചിത്ര താരങ്ങള് സിനിമയില് അഭിനയിക്കുന്നതിലും നിര്മിക്കുന്നതിലും ഇടപ്പെടുന്നത് അംഗീകരിക്കാന് കഴിയില്ലെന്നും സംഘടന വ്യക്തമാക്കുന്നു.
ചലച്ചിത്ര താരങ്ങളായ മോഹന്ലാല്, സുരേഷ് ഗോപി,ബേസില് ജോസഫ്, മഞ്ജുപിള്ള, അന്സിബ, ടൊവിനോ തോമസ്, സായ് കുമാര്, വിജയരാഘവന് തുടങ്ങിയ താരങ്ങള് യോഗത്തില് പങ്കെടുക്കാനായി കൊച്ചിയിലെ അമ്മ ഓഫീസില് എത്തിയിരുന്നു. പ്രതിഫല വിഷയവുമായി ബന്ധപ്പെട്ട് വലിയ ചര്ച്ചകള് നടക്കുന്ന യോഗത്തിലാണ് കൊച്ചിയിലെ താരങ്ങളോട് യോഗത്തില് പങ്കെടുക്കണമെന്ന് ആവശ്യപ്പെട്ടുകൊണ്ട് അടിയന്തിര യോഗം വിളിച്ച് ചേര്ത്തത്. അതേസമയം തിങ്കളാഴ്ച ഉച്ചയ്ക്ക് ശേഷം നിര്മാതാക്കളുടെ സംഘടനയുടെ എക്സിക്യൂട്ടീവ് യോഗം ചേരും. അമ്മ യോഗത്തിലെ തീരുമാനത്തിന്റെ പശ്ചാത്തലത്തില് കടുത്ത നടപടികളിലേക്ക് കടക്കണമോ എന്ന കാര്യങ്ങള് യോഗത്തില് ചര്ച്ചയായേക്കും.
