വീരാട് കോഹ്‌ലിക്കെതിരെ ഗുരുതര ആരോപണം!

കോഹ്ലിക്കെതിരെ പുതിയ ആരോപണം

ഇന്ത്യൻ ക്രിക്കറ്റ് ടീം നായകൻ വീരാട് കോഹ്‌ലിക്കെതിരെ ഗുരുതര ആരോപണം. ന്യൂസിലെൻഡിനെതിരായ ആദ്യ ട്വന്റി 20 മത്സരത്തിനിടെ കോഹ്ലി വയർലസ് സംവിധാനം ഉപയോഗിച്ചതാണ് വിവാദമാകുന്നത്.

ശിഖർ ധവാനും രോഹിത് ശർമയും ക്രീസിൽ നിൽക്കുന്ന സമയത്താണ് കോഹ്‌ലി വയർലസ് ഉപയോഗിച്ചത്. കോഹ്ലി ഐ സി സി ചട്ട ലംഘനം നടത്തിയെന്ന് ആരോപിച്ച് നിരവധി പേർ സാമൂഹ്യ മാധ്യമങ്ങളിലൂടെ രംഗത്തെത്തുകയും ചെയ്തിരുന്നു.

എന്നാൽ, താരങ്ങൾക്കും ഒഫീഷ്യലുകൾക്കും വയർലസ് ഉപയോഗിക്കാൻ അനുവാദമുണ്ടെന്ന് ഐ സി സി വ്യക്തമാക്കി. വയർലസ് ഉപയോഗിക്കാൻ കോഹ്ലി അനുവാദം വാങ്ങിയിരുന്നുവെന്നും ഐ സി സി വ്യക്തമാക്കുന്നു. ഡ്രസിംഗ് റൂമിലും കളി സ്ഥലത്തും വയർലസ് ഉപയോഗിക്കാൻ പാടില്ലെന്ന നിയമം ഉള്ളതിനാലാണ് വിഷയം വിവാദമായത്.