Publish Date: Sat, 27 Nov 2021 (11:03 IST)
Updated Date: Sat, 27 Nov 2021 (11:05 IST)
കോവിഡിന്റെ പുതിയ വകഭേദം കണ്ടെത്തിയ സാഹചര്യത്തില് കേരളത്തിലും ജാഗ്രത. ദക്ഷിണാഫ്രിക്കയില് സ്ഥിരീകരിച്ച ഒമിക്രോണ് വകഭേദം അതിതീവ്ര രോഗവ്യാപനത്തിനു കാരണമാകുമെന്നതിനാല് ആരോഗ്യവകുപ്പ് നിരീക്ഷണം ശക്തമാക്കിയിട്ടുണ്ട്. എല്ലാവരും ജാഗ്രത പാലിക്കണമെന്ന് ആരോഗ്യമന്ത്രി വീണ ജോര്ജ് പറഞ്ഞു. ദക്ഷിണാഫ്രിക്കയില് കണ്ടെത്തിയ ഒമിക്രോണ് വകഭേദത്തെക്കുറിച്ച് കേന്ദ്രത്തില് നിന്ന് ജാഗ്രതാ നിര്ദ്ദേശം ലഭിച്ചിട്ടുണ്ടെന്ന് മന്ത്രി പറഞ്ഞു. എല്ലാവിമാനത്താവളങ്ങളിലും സുരക്ഷ ശക്തമാക്കും. കേന്ദ്രത്തിന്റെ നിര്ദ്ദേശങ്ങള് പ്രകാരമുള്ള നടപടികള് സംസ്ഥാനം സ്വീകരിച്ചിട്ടുണ്ട്. വിദേശ രാജ്യങ്ങളില് നിന്നെത്തുന്നവര് യാത്രയ്ക്ക് 48 മണിക്കൂര് മുമ്പ് ആര്ടിപിസിആര് ടെസ്റ്റ് നടത്തുന്നുണ്ട്. അത് സംസ്ഥാനത്ത് എത്തിയിട്ട് വീണ്ടും നടത്തണം. നിലവില് ഉള്ളത് പോലെ കേന്ദ്രമാനദണ്ഡങ്ങള് അനുസരിച്ചുള്ള ക്വാറന്റൈനും വേണമെന്ന് ആരോഗ്യമന്ത്രി പറഞ്ഞു.
