Publish Date: Thu, 02 Dec 2021 (09:51 IST)
Updated Date: Thu, 02 Dec 2021 (10:01 IST)
കോവിഡിന്റെ ഒമിക്രോണ് വകഭേദത്തിനെതിരെ അതീവ ജാഗ്രത വേണമെന്ന് ആരോഗ്യവിദഗ്ധരുടെ മുന്നറിയിപ്പ്. ഒമിക്രോണ് വായുവിലൂടെ അതിവേഗം പകരുമെന്നാണ് നിലവിലെ പഠനങ്ങളിലെ സൂചനയെന്നും അതീവ ജാഗ്രത പാലിക്കണമെന്നും കോവിഡ് വിദഗ്ധസമിതി സര്ക്കാരിനു മുന്നറിയിപ്പ് നല്കി. ജനിതക ശ്രേണീകരണത്തിന് അയയ്ക്കുന്ന സാംപിളുകളുടെ എണ്ണം വര്ധിപ്പിക്കണം. മൂന്നാം ഡോസ് വാക്സിനേഷന് ആലോചന തുടങ്ങണമെന്നും വിദഗ്ധ സമിതി നിര്ദേശിച്ചു. വ്യാപനശേഷി വ്യക്തമാക്കുന്നത് വായുവിലൂടെ അതിവേഗം പകരാനുളള സാധ്യതയാണെന്ന് കോവിഡ് വിദഗ്ധസമിതി സര്ക്കാരിനു റിപ്പോര്ട്ട് നല്കി. മാസ്ക് ഉപയോഗം കര്ശനമാക്കണം. ആള്ക്കൂട്ടങ്ങള് ഒഴിവാക്കണം. ഓഫീസുകളിലും ചടങ്ങുകളിലും തുറന്ന സ്ഥലത്തെ പ്രവര്ത്തനങ്ങള് പ്രോത്സാഹിപ്പിക്കണമെന്നും ആരോഗ്യവിദഗ്ധര് മുന്നറിയിപ്പ് നല്കുന്നു.
