Turbo: ഇത്രയും കോണ്‍ഫിഡന്‍സോ? മമ്മൂട്ടി ചിത്രം ടര്‍ബോ മേയ് 23 ന്
മാത്രമല്ല ലോക്‌സഭാ തിരഞ്ഞെടുപ്പ് ഫലപ്രഖ്യാപനം കാരണം അടുത്ത അധ്യയന വര്‍ഷം ജൂണ്‍ 10 നാണ് ആരംഭിക്കുക
Publish Date: Wed, 01 May 2024 (12:15 IST)
Updated Date: Wed, 01 May 2024 (12:17 IST)
മമ്മൂട്ടിയെ നായകനാക്കി വൈശാഖ് സംവിധാനം ചെയ്യുന്ന ടര്‍ബോ മേയ് 23 നു തിയറ്ററുകളിലെത്തും. വേള്‍ഡ് വൈഡായാണ് ചിത്രം അന്നേദിവസം റിലീസ് ചെയ്യുക. ജൂണ്‍ 13 ന് റിലീസ് ചെയ്യുമെന്നാണ് നേരത്തെ അറിയിച്ചിരുന്നത്. ജൂണില്‍ മണ്‍സൂണ്‍ ആരംഭിക്കുന്നതിനാല്‍ ശക്തമായ മഴ തിയറ്റര്‍ വ്യവസായത്തിനു തിരിച്ചടിയായേക്കും. ഇത് മുന്നില്‍ കണ്ടാണ് റിലീസ് നേരത്തെ ആക്കാന്‍ തീരുമാനമായതെന്നാണ് റിപ്പോര്‍ട്ട്.
മാത്രമല്ല ലോക്‌സഭാ തിരഞ്ഞെടുപ്പ് ഫലപ്രഖ്യാപനം കാരണം അടുത്ത അധ്യയന വര്‍ഷം ജൂണ്‍ 10 നാണ് ആരംഭിക്കുക. അതുവരെ കേരളത്തിലെ അടക്കം സ്‌കൂളുകള്‍ക്ക് അവധിയാണ്. ഈ അവധി ദിവസങ്ങള്‍ കൂടി ലക്ഷ്യമിട്ടാണ് ടര്‍ബോയുടെ റിലീസ് മേയ് 23 ലേക്ക് മാറ്റിയത്.
മമ്മൂട്ടി കമ്പനി നിര്‍മിക്കുന്ന അഞ്ചാമത്തെ ചിത്രമാണ് ടര്‍ബോ. ഇതുവരെ ചെയ്തതില്‍ ഏറ്റവും ചെലവേറിയ ചിത്രം കൂടിയാണ്. മിഥുന്‍ മാനുവല്‍ തോമസിന്റേതാണ് തിരക്കഥ. ടര്‍ബോ ജോസ് എന്ന അച്ചായന്‍ കഥാപാത്രത്തെയാണ് മമ്മൂട്ടി അവതരിപ്പിച്ചിരിക്കുന്നത്. കോമഡി - ആക്ഷന്‍ ഴോണറിലാണ് ചിത്രം ഒരുക്കിയിരിക്കുന്നത്. ചിത്രത്തിന്റെ ടീസറും ട്രെയിലറും ഉടന്‍ പുറത്തുവിടും.
