'ദി പ്രീസ്റ്റ്' പുതിയ അപ്‌ഡേറ്റ് നല്‍കി മമ്മൂട്ടി. സിനിമയിലെ സെക്കന്‍ഡ് സോങ്ങും ടീസറും അടുത്തുതന്നെ പുറത്തു വരും. ബുധനാഴ്ച (24/02/21) വൈകുന്നേരം 6 മണിക്ക് രണ്ടാമത്തെ സോങ് ആദ്യം എത്തും. സെക്കന്‍ഡ് ടീസര്‍ ശനിയാഴ്ച (27/02/21) വൈകുന്നേരം 6 മണിക്ക് പുറത്തുവരുമെന്ന് ഔദ്യോഗികമായി മെഗാസ്റ്റാര്‍ അറിയിച്ചു.
മാര്‍ച്ച് നാലിനാണ് 'ദി പ്രീസ്റ്റ്' തിയേറ്ററുകളിലേക്ക് എത്തുന്നത്. ചിത്രത്തിലെ ഓരോ കഥാപാത്രങ്ങളെയും പരിചയപ്പെടുത്തിക്കൊണ്ട് അടുത്തിടെയായി പോസ്റ്റുകള്‍ നിര്‍മ്മാതാക്കള്‍ പുറത്തിറക്കിയിരുന്നു. മമ്മൂട്ടിയും മഞ്ജു വാര്യരും ആദ്യമായി ഒന്നിക്കുന്ന ചിത്രത്തില്‍ നിഖില വിമല്‍, സാനിയ ഇയപ്പന്‍, ബേബി മോണിക്ക, ജഗദീഷ്, രമേശ് പിഷാരടി,അമേയ മാത്യു, വെങ്കിടേഷ്, ടോണി ലൂക്ക് എന്നിവരടങ്ങുന്ന വന്‍ താരനിര തന്നെ അണിനിരക്കുന്നുണ്ട്.നവാഗതനായ ജോഫിന്‍ ടി ചാക്കോ സംവിധാനം ചെയ്യുന്ന ചിത്രത്തിനായി കാത്തിരിക്കുകയാണ് ആരാധകര്‍.
