മമ്മൂക്ക ദിനേശനായി തമിഴ് നടന്‍ സൂരി, മലയാളം-തമിഴ് കുടുംബങ്ങളുടെ കഥയുമായി 'വേലന്‍' വരുന്നു

മമ്മൂട്ടിയുടെ കടുത്ത ആരാധകനായി വേഷമിട്ട് തമിഴ് നടന്‍ സൂരി.മമ്മൂക്ക ദിനേശന്‍ എന്ന കഥാപാത്രത്തെയാണ് വരാനിരിക്കുന്ന വേലന്‍ എന്ന ചിത്രത്തില്‍ നടന്‍ അവതരിപ്പിക്കുന്നത്. തമിഴ് ബിഗ് ബോസ് ഫെയിം മുഗേന്‍ റാവു പ്രധാനവേഷത്തിലെത്തുന്ന സിനിമ കവിന്‍ മൂര്‍ത്തി സംവിധാനം ചെയ്യുന്നു. മലയാളി-തമിഴ് കുടുംബങ്ങളെ ചുറ്റിപ്പറ്റിയുള്ള കൊമേര്‍ഷ്യല്‍ എന്റര്‍ടെയ്നറാണ് പടം. ഇപ്പോളിതാ സൂരിയുടെ ക്യാരക്ടര്‍ ലുക്ക് പോസ്റ്റര്‍ പുറത്തിറങ്ങി. 

പാലക്കാട്ടുകാരനായാണ് സൂരി ചിത്രത്തില്‍ വേഷമിടുന്നത്.മീനാക്ഷി ഗോവിന്ദരാജാണ് നായിക.പ്രഭു, തമ്പി രാമയ്യ, ഹരീഷ് പേരടി, ടിഎം കാര്‍ത്തിക് എന്നിവരാണ് മറ്റു പ്രധാന വേഷങ്ങളില്‍ എത്തുന്നത്. ഗോപിസുന്ദര്‍ സംഗീതവും ശരത് എഡിറ്റിങ്ങും നിര്‍വഹിക്കുന്നു. ഗോപി ജ?ഗദീശ്വരം ചിത്രത്തിനായി ക്യാമറ ചലിപ്പിക്കുന്നു.സ്‌കൈമാന്‍ ഫിലിംസ് ഇന്റര്‍നാഷണലാണ് സിനിമ നിര്‍മ്മിക്കുന്നത്.