അടുത്ത പുലിമുരുകനില്‍ നിവിന്‍ പോളി!

മലയാള സിനിമ പുലിമുരുകന് മുമ്പും ശേഷവും എന്ന ഒരു സ്ഥിതി ഉണ്ടായിട്ടുണ്ട്. അത്രയും വലിയൊരു ഹിറ്റ് ഒരു പര്‍വതം പോലെ നമ്മുടെ സിനിമയെ രണ്ടായി വിഭജിച്ചുകഴിഞ്ഞു. പുലിമുരുകനെ വെല്ലുന്ന ചിത്രമെടുക്കുക എന്നതാണ് ഇന്നത്തെ കൊമേഴ്സ്യല്‍ സംവിധായകരുടെയെല്ലാം വെല്ലുവിളി.

പുലിമുരുകന് ശേഷം വൈശാഖ് വീണ്ടും തിരക്കഥാകൃത്ത് ഉദയ്കൃഷ്ണയുമായി കൈകോര്‍ക്കുകയാണ്. ഇത്തവണ പക്ഷേ മോഹന്‍ലാല്‍ അല്ല നായകന്‍. യുവ സൂപ്പര്‍താരം നിവിന്‍ പോളിയാണ് നായകനാകുന്നത്.

പുലിമുരുകന് ശേഷം വൈശാഖ് ചെയ്യുന്ന ചിത്രം എന്നതുകൊണ്ടുതന്നെ വലിയ പ്രതീക്ഷയാണ് പ്രേക്ഷകര്‍ക്കുള്ളത്. ആ പ്രതീക്ഷ സഫലമാക്കുന്ന തിരക്കഥയൊരുക്കാനാണ് ഉദയ്കൃഷ്ണയും ശ്രമിക്കുന്നത്.

ഒരു മാസ് ഹീറോ എന്ന തലത്തിലേക്ക് ഇപ്പോള്‍ തന്നെ ഉയര്‍ന്നുകഴിഞ്ഞിരിക്കുന്ന നിവിന്‍ പോളിയെ പരമാവധി ഹീറോയിസം നല്‍കി അവതരിപ്പിക്കാനാണ് വൈശാഖ് തീരുമാനിച്ചിരിക്കുന്നത്. വലിയ ക്യാന്‍‌വാസിലുള്ള ഈ സിനിമ കാമ്പസ് പശ്ചാത്തലമാക്കിയാണ് ഒരുങ്ങുന്നത്. ഒരു റോമാന്‍റിക് കോമഡിച്ചിത്രമായിരിക്കും ഇത്.