നടി നയന്‍താരയുടെയും സംവിധായകന്‍ വിഘ്നേഷ് ശിവന്റെയും വിവാഹ വീഡിയോ ആല്‍ബം റിലീസിന് തയ്യാറെടുക്കുന്നു. 2022 ജൂണിലാണ് ഇരുവരും വിവാഹിതരായത്. പ്രമുഖ ഒടിടി പ്ലാറ്റ്‌ഫോമായ നെറ്റ്ഫ്‌ളിക്‌സിനായിരുന്നു വിവാഹചടങ്ങിന്റെ ചിത്രീകരണ അവകാശം. വിവാഹം കഴിഞ്ഞ് 2 വര്‍ഷങ്ങള്‍ക്ക് ശേഷമാണ് വിവാഹ ഡോക്യുമെന്ററിയുടെ റിലീസുമായി ബന്ധപ്പെട്ട അപ്‌ഡേറ്റ് പുറത്തുവന്നിരിക്കുന്നത്.
80 മിനിറ്റ് ദൈര്‍ഘ്യമുള്ള വിവാഹവീഡിയോയുടെ റിലീസ് ഉടനുണ്ടാകുമെന്ന റിപ്പോര്‍ട്ടാണ് പുറത്തുവന്നിരിക്കുന്നത്. നെറ്റ്ഫ്‌ളിക്‌സിലാണ് ഡോക്യുമെന്ററി റിലീസാവുക. ദമ്പതികളുടെ പ്രണയയാത്രയും ഇരുവരുടെയും ജീവിതയാത്രയും വിവാഹത്തിന്റെ ബിഹൈന്‍ഡ് ദി സീന്‍സും വീഡിയോയില്‍ ഉണ്ടാകും.
