Publish Date: Tue, 28 Dec 2021 (14:28 IST)
Updated Date: Tue, 28 Dec 2021 (14:31 IST)
നടന് ദിലീപ് തന്റെ പുതിയ ചിത്രമായ കേശു ഈ വീടിന്റെ നാഥന് എന്ന സിനിമയുടെ പ്രമോഷന് തിരക്കുകളിലാണ്. അതിനിടെ ഒരു അഭിമുഖത്തില് നടിയെ ആക്രമിച്ച കേസുമായി ബന്ധപ്പെട്ട് തനിക്കെതിരെ ഉയര്ന്ന ആരോപണങ്ങളില് നടന് മറുപടി നല്കുകയുണ്ടായി.
ആരൊക്കെ എന്തുപറഞ്ഞാലും തനിക്കൊന്നും പറയാനാവാത്ത അവസ്ഥയാണുള്ളതെന്ന് ദിലീപ് പറയുന്നു.
തന്റെ അവസ്ഥ അറിയാല്ലോ എന്ന് പറഞ്ഞു കൊണ്ടാണ് ദിലീപ് തുടങ്ങിയത്. ജാമ്യത്തിലായതുകൊണ്ട് ആരെന്ത് കല്ലെറിഞ്ഞാലും എനിക്കൊരു പ്രസ് മീറ്റ് വിളിക്കാനാവില്ലെന്നും സിനിമയുടെ പ്രമോഷനായതുകൊണ്ട് മാത്രമാണ് ഇങ്ങനെ ഇരുന്നു സംസാരിക്കുന്നതെന്നും ദിലീപ് പറഞ്ഞു.
മാധ്യമങ്ങളോട് എന്തെങ്കിലും സംസാരിക്കാനുള്ള അനുമതിയില്ല. അതുകൊണ്ട് എനിക്കൊന്നും പറയാന് പറ്റുന്നില്ല.
സത്യം എന്താണെന്ന് പറയാന് പറ്റാത്ത ഒരു സ്ഥലത്താണ് ഞാന് നില്ക്കുന്നത്. ഇതൊക്കെ ഫേസ് ചെയ്തുപോവുക, അല്ലാതിപ്പോള് എന്തു ചെയ്യാനാ എന്ന് ദിലീപ് ചോദിക്കുന്നു.
