മാമല്ലാപുരത്ത് ബീച്ച് ക്ലീന്‍ ചെയ്യാനിറങ്ങി നരേന്ദ്രമോദി, ചപ്പുചവറുകള്‍ ശേഖരിച്ച് മാറ്റുന്ന മോദിയുടെ വീഡിയോ വൈറല്‍ !

ഇന്തോ - ചൈന ഉച്ചകോടി നടക്കുന്ന ചെന്നൈ മാമല്ലാപുരത്ത് എത്തിയ പ്രധാനമന്ത്രി നരേന്ദ്രമോദി ശനിയാഴ്ച പുലര്‍ച്ചെ മാമല്ലാപുരത്തെ ബീച്ച് വൃത്തിയാക്കാന്‍ ഇറങ്ങിയത് പ്രദേശവാസികള്‍ക്ക് കൌതുകമായി.

കറുത്ത ടിഷര്‍ട്ടും പാന്‍റും ധരിച്ച് നടക്കാനിറങ്ങിയ പ്രധാനമന്ത്രി ബീച്ചില്‍ കുപ്പ അടിഞ്ഞുകിടക്കുന്നതുകണ്ടപ്പോള്‍ ഉടന്‍ തന്നെ വൃത്തിയാക്കാനിറങ്ങി. ബീച്ചില്‍ കിടന്ന കുപ്പികളും പ്ലാസ്റ്റിക് വസ്തുക്കളുമെല്ലാം ഒരു കവറില്‍ ശേഖരിച്ച് മോദി നടത്തിയ ശുചീകരണത്തിന്‍രെ വീഡിയോ സോഷ്യല്‍ മീഡിയയില്‍ വൈറലായി.

ചപ്പുചവറുകളും കുപ്പികളുമെല്ലാം ഒരു കവറില്‍ ശേഖരിച്ച് പ്രധാനമന്ത്രി താമസിക്കുന്ന ഹോട്ടലിലെ ജീവനക്കാരനായ ജയരാജിന് കൈമാറുന്നത് വീഡിയോയിലുണ്ട്. പൊതുഇടങ്ങള്‍ വൃത്തിയായി സൂക്ഷിക്കുകയെന്ന സര്‍ക്കാര്‍ നയം ഈ പ്രവര്‍ത്തിഒയിലൂടെ കൂടുതല്‍ ജനങ്ങളിലേക്ക് എത്താന്‍ സഹായിക്കുമെന്നാണ് സോഷ്യല്‍ മീഡിയയില്‍ ഉയരുന്ന അഭിപ്രായം.