ഒരാഴ്ചയായി ഭർത്താവ് കുളിക്കുന്നില്ല, ഷേവ് ചെയ്യുന്നില്ല, സഹികെട്ടതോടെ 23കാരി വിവാഹ മോചനത്തിനായി കോടതിയിൽ

ഭോപ്പാൽ: ഭർത്താവ് ഒരാഴ്ചയോലമായി ശരീരം വൃത്തിയാക്കതെ വന്നതോടെ സഹികെട്ട് 23കാരി വിവാഹ മോചനത്തിന് കോടതിയിൽ ഹർജി നൽകി. മധ്യപ്രദേശിലെ ഭോപ്പാലിൽനിന്നുമാണ് ഇത്തരം ഒരു വാർത്ത. ശരീരം വൃത്തിയാക്കാൻ ഭർത്താവിനോട് പറഞ്ഞ് മടുത്തതോടെയാണ് യുവതി വിവാഹ മോചനവുമായി കോടതിയെ സമീപിച്ചത്.

കഴിഞ്ഞ എട്ട് ദിവസത്തോളമായി ഭർത്താവ് കുളിക്കുന്നതും ഷേവ് ചെയ്യുന്നതും ഒഴിവാക്കിയിരിക്കുകയാണ്. ശരീരം വൃത്തിയാക്കാൻ ആവശ്യപ്പെടുമ്പോൾ സുഗന്ധ ദ്രവ്യങ്ങൾ പൂശി ശരീരത്തിലെ ദുർഗന്ധം അകറ്റുക മാത്രമാണ് ചെയ്യുന്നത് എന്ന് യുവതി വിവാഹ മോചന ഹർജിയിൽ പറയുന്നു. ഒരു വർഷം മുൻപാണ് ഇരുവരും തമ്മിൽ വിവാഹിതരാകുന്നത്. 

ഇരുവരും വ്യത്യസ്ത സമുദയങ്ങളിൽ പെട്ടവരാണ്. വിവാഹ മോചനം തടയാൻ ബന്ധുക്കൾ ആവുന്നത്ര ശ്രമിക്കുന്നുണ്ടെങ്കിലും വൃത്തിയില്ലാത്ത ഒരാളുടെ കൂടെ ജീവിക്കാൻ സാധിക്കില്ല എന്ന ഉറച്ച തീരുമാനത്തിലാണ് യുവതി. ആറു മാസത്തേക്ക് പിരിഞ്ഞ് ജീവിക്കാനാ‍ണ് കോടതി ദമ്പതികളോട് ആവശ്യപ്പെട്ടിരിക്കുന്നത്. അതിന് ശേഷം വിവാഹ മോചനം അനുവദിക്കാം എന്നും കോടതി വ്യക്തമാക്കി.