സ്നാ​പ്ഡീ​ൽ ഫ്ലി​പ്കാ​ർ​ട്ടി​ൽ ല​യി​ക്കും; ഔദ്യോ​ഗി​ക പ്ര​ഖ്യാ​പ​നം ഉടന്‍

സ്നാ​പ്ഡീ​ൽ ഫ്ലി​പ്കാ​ർ​ട്ടി​ൽ ല​യി​ക്കും

ഓണ്‍ലൈന്‍ ഷോപ്പിംഗ് രംഗത്ത് കൂടുതല്‍ മുന്നേറുന്നതിനായി ഇ​ന്ത്യ​ൻ ഇ- ​കൊ​മേ​ഴ്സ് സ്ഥാ​പ​ന​ങ്ങ​ളി​ലൊ​ന്നാ​യ സ്നാ​പ്ഡീ​ൽ ഫ്ലി​പ്കാ​ർ​ട്ടി​ൽ ല​യി​ക്കും. ല​യ​ന​ത്തി​ന്‍റെ ഔദ്യോ​ഗി​ക പ്ര​ഖ്യാ​പ​നം ര​ണ്ടു ദി​വ​സ​ത്തി​നു​ള്ളി​ൽ 

ഉ​ണ്ടാ​യേക്കുമെന്നാണ് റിപ്പോര്‍ട്ട്. 

​ഇ​ട​പാ​ടി​ൽ 100 കോ​ടി ഡോ​ള​റി​ന്‍റെ മൂ​ല്യ​മാ​ണ് സ്നാ​പ്ഡീ​ലി​ന് നി​ർ​ണ​യി​ച്ചി​രി​ക്കു​ന്ന​ത്. ഒ​രു വ​ർ​ഷം മു​ന്പു​വ​രെ 650 കോ​ടി ഡോ​ള​റാ​യി​രു​ന്നു സ്നാ​പ്ഡീ​ലി​ന്‍റെ മൂ​ല്യം. ലയനവും ഓഹരികളും സംബന്ധിച്ച ചര്‍ച്ചകള്‍ പുരോഗമിക്കുകയാണ്. വരും ദിവസങ്ങളില്‍ ഇക്കാര്യത്തില്‍ വ്യക്തതയുണ്ടാകും.

ഇ​ന്ത്യ​ൻ ഇ-​കൊ​മേ​ഴ്സ് ച​രി​ത്ര​ത്തി​ലെ ഏ​റ്റ​വും വ​ലി​യ ല​യ​ന​മാ​യിട്ടാണ് ഇതിനെ സാമ്പത്തിക ലോകം വിലയിരുത്തുന്നത്. സ്നാ​പ്ഡീ​ലി​ന്‍റെ എ​ല്ലാ നി​ക്ഷേ​പ​ക​രുമായുട്ടുള്ള അവസാനവട്ട ചര്‍ച്ചകളാണ് ഇപ്പോള്‍ നടക്കുന്നത്. വിഹിതവുമായി ബന്ധപ്പെട്ട കാര്യത്തിലാണ് ഇപ്പോള്‍ ചര്‍ച്ച. 

ലയനത്തിന് ശേഷം ഫ്ലി​പ്കാ​ർ​ട്ട് രാജ്യത്ത് കൂടുതല്‍ ശക്തമാകുമെന്നാണ് റിപ്പോര്‍ട്ടുകള്‍ പറയുന്നത്.