പണപ്പെരുപ്പനിരക്ക് ഉയരുന്നു, പലിശനിരക്കിൽ മാറ്റം വരുത്താതെ റിസർവ് ബാങ്ക്

മുഖ്യപലിശനിരക്കുകളിൽ മാറ്റം വരുത്താതെ റിസർവ് ബാങ്ക് ഓഫ് ഇന്ത്യ പുതിയ വായ്‌പ നയം പ്രഖ്യാപിച്ചു. ബാങ്കുകൾക്ക് റിസർവ് ബാങ്ക് നൽകുന്ന വായ്‌പകൾക്കുള്ള പലിശനിരക്കായ റിപ്പോ 4 ശതമാനമായി തന്നെ തുടരും. റിവേഴ്‌സ് റിപ്പോ നിരക്കുകളിലും മാറ്റമില്ലെന്ന് റിസർവ് ബാങ്ക് അറിയിച്ചു.

രാജ്യത്ത് പണപ്പെരുപ്പ നിരക്ക് ഉയരുന്ന പശ്ചാത്തലത്തിലാണ് പലിശനിരക്കുകളിൽ മാറ്റം വരുത്തേണ്ടതില്ലെന്ന റിസർവ് ബാങ്ക് തീരുമാനം. പെട്രോളിയം ഉത്‌പനങ്ങളുടെ വില വർധവിനോടൊപ്പം അവശ്യസാധനങ്ങളുടെ വിലയുയരുന്നതും റിസർവ് ബാങ്ക് നിരീക്ഷിച്ചുവരികയാണ്. രാജ്യത്തിന്റെ സാമ്പത്തികവളർച്ച ത്വരിതപ്പെടുത്തുന്ന പ്രവർത്തനങ്ങളുമായി മുന്നോട്ട് പോകുമെന്നും റിസർവ് ബാങ്ക് അറിയിച്ചു.