വെറും 15 ദിവസംകൊണ്ട് 15,000 ബുക്കിങ്, ഹിറ്റായി നിസ്സാൻ മാഗ്നൈറ്റ്

നിസ്സാന്റെ കോംപാക്‌ട് എസ്‌യുവി മാഗ്നൈറ്റിനെ ഇരു കൈകളും നീട്ടി സ്വീകരിച്ച് ഇന്ത്യൻ വിപണി. വെറും 15 ദിവസത്തിനുള്ളിൽ 15,000 ബുക്കിങ്ങാണ് വാഹനം സ്വന്തമാക്കിയത്. ശരാശരി 1000 ബുക്കിങ്ങാണ് ദിവസേന വാഹനത്തിന് ലഭിയ്ക്കുന്നത്. ഇന്ത്യയിലെ എറ്റവും വില കുറഞ്ഞ കോംപാക്ട് എസ്‌യുവി എന്ന വിശേഷണത്തോടെയാണ് മാഗ്നൈറ്റ് വിപണീയിലെത്തിയത്. നിലവിൽ 4.99 ലക്ഷം രൂപ മുതൽ 9.45 ലക്ഷം രൂപ വെരെയാണ് വാഹനത്തിന്റെ വില. എന്നാൽ ഡിസംബർ 31 വരെ മാത്രമായിരിയ്ക്കും ഈ വിലയിൽ വാഹനം സ്വന്തമാക്കാനാവുക, ജനുവരി ഒന്നു മുതൽ വിലയിൽ വർധനവുണ്ടാകും. പുതിയ വില പിന്നീടായിരിയ്ക്കും പ്രഖ്യാപിയ്ക്കുക.  

XE, XL, XV, XV പ്രീമിയം എന്നിങ്ങനെ നാല് വേരിയന്റുകളില്‍ മഗ്നൈറ്റ് എത്തിയിരിയ്ക്കൂന്നത്. കഴ്ചയിൽ കരുത്ത് തോന്നുന്ന ഡിസൈനാണ് മാഗ്നൈറ്റിന് നൽകിയിരിയ്ക്കുന്നത്. വലിയ ഗ്രില്ലിന്റെ ഡിസൈനാണ് ഇതിൽ ഏറ്റവും പ്രധാനം, വശങ്ങളിലും ഈ കരുത്തൻ ഡിസൈൻ ശൈലി വ്യക്തമാണ്. റെനോയുടെ എച്ച്‌ബിസി കൺസെപ്റ്റിൽനിന്നും പ്രചോദനം ഉൾക്കൊണ്ടാണ് നിസാൻ പുതിയ വാഹനം ഒരുക്കുന്നത്. 

നാലുമീറ്ററിൽ താഴെ വലിപ്പമുള്ള വാഹനം റെനോ ട്രൈബർ ഒരുക്കിയിരിയ്ക്കുന്ന സിഎംഎഫ്എ പ്ലാറ്റ്ഫോമിലാണ് ഒരുക്കിയിരിയ്ക്കുന്നത്. റെനോ ട്രൈബറിലെ 1.0 ലിറ്റർ 3 സിലിണ്ടർ ടർബോ പെട്രോൾ എഞ്ചിനാണ് വാഹനത്തിന് കരുത്തുപകരുക. 95 എച്ച്‌പി കരുത്ത് ഉത്പാദിപ്പിയ്ക്കാൻ ഈ എഞ്ചിനാകും മാരുതി സുസൂക്കിയുടെ വിറ്റാര ബ്രെസ, ഹ്യൂണ്ടായ്‌യുടെ വെന്യു, മഹീന്ദ്രയുടെ എക്സ്‌യുവി 300 എന്നിവയായിരിക്കും നിസാൻ മാഗ്നൈറ്റിന്റെ പ്രധാന എതിരാളികൾ.