മുന്ന് പതിറ്റാണ്ടുകൾക്ക് ശേഷം വാഗോനെർ വിപണിയിലെത്തിയ്ക്കാൻ ജീപ്പ്

30 വര്‍ഷത്തെ ഇടവേളയ്ക്ക് ശേഷം വാഗോനെർ എസ്‌യുവിയെ വിപണിയിലെത്തിയ്ക്കാൻ ജീപ്പ്. 7 സീറ്റര്‍ ഫുള്‍ സൈസ് എസ്‌യുവി ആയാണ് വാഗോനെറിനെ വീണ്ടും വിപണിയിൽ എത്തിയ്ക്കുന്നത്. 2021ടെ വാഗോനെറിന്റെ പുത്തൻ പതിപ്പ് വിപണിയിൽ എത്തുമെന്നാണ് പ്രതീക്ഷിക്ഷിയ്ക്കപ്പെടുന്നത്. വാഗോനെര്‍, ഗ്രാന്‍ഡ് വാഗോനെര്‍ എന്നിങ്ങനെ രണ്ട് പതിപ്പുകളിലായിരിയ്ക്കും വാഹനം വിൽപ്പനക്കെത്തുക. 

കുറച്ചുകാലമായി 7 സീറ്റർ എസ്‌യുവികൾ ജീപ്പ് വിപണിയിൽ എത്തിച്ചിട്ടില്ല. ഈ കുറവ് പരിഹരിയ്ക്കുന്നതിനാണ് വാഗോനെറിനെ തിരികെയെത്തിയ്ക്കുന്നത്. ഫിയറ്റ് ക്രിസ്‌ലര്‍ ഓട്ടോമൊബൈല്‍സിന്റെ മിഷിഗണിലെ വാറന്‍ അസംബ്ലി പ്ലാന്റില്‍ ആയിരിക്കും വാഗോനെർ വീണ്ടും ജൻമമെടുക്കുക. 1962ല്‍ ജീപ്പ് അവതരിപ്പിച്ച ഐതിഹാസിക എസ്‌യുവിയാണ് വാഗോനെര്‍. 4X4 വാഹനം ആയിരുന്ന വാഗോനെർ 1991 ലാണ് വിപണിയിൽനിന്നും പിൻവാങ്ങുന്നത്.