ജിഎസ്ടി ജൂലൈയില്‍ പ്രാബല്യത്തില്‍; ഇന്‍‌ഷൂറന്‍‌സ്- ബാങ്ക് മേഖലകളില്‍ ആശങ്കകള്‍ തുടരുന്നു

ജിഎസ്ടി: ഇന്‍‌ഷൂറന്‍‌സ്- ബാങ്ക് മേഖലകളില്‍ ആശങ്കകള്‍ തുടരുന്നു

ജിഎസ്​ടി നിലവില്‍ വരുന്നതോടെയുണ്ടാകുന്ന ആശങ്കകള്‍ തുടരുന്നു. ജൂലൈയില്‍ ജിഎസ്ടി പ്രാബല്യത്തില്‍  വരുന്നതോടെ ഇൻഷൂറൻസ്​ പ്രീമിയവും ബാങ്ക്​ ചാർജുകളും ഉയരുമെന്നാണ് ഇപ്പോള്‍ പുറത്തുവരുന്ന റിപ്പോര്‍ട്ട്.

ജിഎസ്​ടി നിലവില്‍ വരുന്നതോടെ ഇൻഷൂറൻസ്​ പ്രീമിയത്തിനും വിവിധ ബാങ്ക്​ ഇടപാടുകൾക്കും ചുമത്തുന്ന സേവന നികുതി 18 ശതമാനമായി ഉയരുമെന്നതാണ് ഉപഭോക്‍താക്കള്‍ക്ക് തിരിച്ചടിയാകുന്നത്.

വിവിധ ബാങ്ക്​ ഇടപാടുകൾക്ക്​ ചുമത്തുന്ന സേവന നികുതി കുതിച്ചുയരും. ഇത് കൂടാതെ വിവിധ പ്ലാനുകൾക്ക്​ അനുസരിച്ച്​ എൻഡോവ്​മന്റ്, ടേം ഇൻഷൂറൻസ്​, യുലിപ്​സ്​ എന്നീ ഇൻഷൂറൻസ്​ പ്രീമിയം വിഭാഗത്തിലെല്ലാം അധിക നികുതി ഉണ്ടാവുമെന്നാണ്​ ഏറ്റവും പുതിയ റിപ്പോര്‍ട്ട്.