സ്വർണവിലയിൽ പൊള്ളി സാധാരണക്കാർ; ഗ്രാമിന് 3891, ഒരു പവന് 31,128

സാധാരണക്കാരെ ശ്വാസം മുട്ടിച്ച് സ്വർണവില. ഗ്രാമിന് 3891 രൂപയാണ് ഇന്നത്തെ വില. ഒരു പവന് 31,128 രൂപയാണ്. ഇന്നലത്തെ വിലയിൽ നിന്നും നേരിയ മാറ്റമാണ് ഇന്നുള്ളത്. കഴിഞ്ഞ ആഴ്ചയിലെ സ്വർണവിലയിൽ നിന്നും നല്ല കുറവ് ഈ ആഴ്ച ഉണ്ടായിട്ടുണ്ട്. 

എക്കാലത്തെയും ഉയർന്ന വിലയായിരുന്നു കഴിഞ്ഞ ആഴ്ച രേഖപ്പെടുത്തിയത്. പവന് 32,000 രൂപ വരെ എത്തിയിരുന്നു. ഫെബ്രുവരി മാസം തുടക്കത്തിൽ 30,400 രൂപയായിരുന്നു ഒരു പവൻ സ്വർണത്തിന്റെ വില. പിന്നീട് തുടർച്ചയായി വിലയിൽ വർധനവ് രേഖപ്പെടുത്തുകയായിരുന്നു. 2080 രൂപയാണ് കഴിഞ്ഞ ഒരു മാസം മാത്രം സ്വർണവിലുണ്ടായ വർധനവ്. 

കൊറോണ വൈറസ് ചൈനീസ് സാമ്പതിക വ്യ്വസ്ഥയെ ബധിച്ചതും ആഗോള സാമ്പത്തിക രംഗത്ത് പ്രതിഫലിക്കുന്ന തളർച്ചയുമാണ് സ്വർണവില വർധിയ്ക്കുന്നതിന് കാർണമായി സാമ്പത്തിക വിദഗ്ധർ ചൂണ്ടിക്കാണിക്കുന്നത്. സുരക്ഷിത നിക്ഷേപമെന്ന നിലയിൽ ആളുകൾ സ്വർണത്തെ കണക്കാകുന്നതും വില ഉയരാൻ കാരണമാകുന്നുണ്ട്.