സ്വർണവിലയിൽ ചാഞ്ചാട്ടം, പവന് ഇന്ന് 120 രൂപ കൂടി

സംസ്ഥാനത്ത് സ്വർണവിലയിൽ വർധന. പവന് 120 രൂപയാണ് കൂടിയത്. ഇതോടെ ഒരു പവൻ സ്വർണത്തിന്റെ വില 33,800 രൂപയായി ഉയർന്നു. ഒരു ഗ്രാം സ്വർണത്തിന് 4,225 രൂപയാണ് വില.

അഞ്ച് ദിവസം മാറ്റമില്ലാതിരുന്ന സ്വർണവില 18ആം തീയതി 160 കൂടിയപ്പോൾ ഇന്നലെ 80 രൂപ കുറവ് രേഖപ്പെടുത്തിയിരുന്നു. കഴിഞ്ഞ ഏതാനും ആഴ്‌ചകളായുള്ള സ്വർണവിലയിലെ ചാഞ്ചാട്ടം തുടരാനാണ് സാധ്യതയെന്ന് വിപണി വിദഗ്‌ധർ പറയുന്നു.