നിരത്തിലെ തരംഗമാകാന്‍ ഫോര്‍ഡിന്റെ പുതിയ സിയുവി ‘​ഫ്രീസ്റ്റൈല്‍’ വിപണിയിലേക്ക് !

ഫ്രീസ്റ്റൈലുമായി ഫോർഡ്

പുതിയ കോം‌പാക്റ്റ് യൂട്ടിലിറ്റി വെഹിക്കിളുമായി ഫോ​ർ​ഡ് മോ​ട്ടോ​ർസ് ഇന്ത്യയിലേക്ക്‌‍. ഫോര്‍ഡിന്റെ ഹാ​ച്ച്ബാ​ക്ക് മോ​ഡ​ലാ​യ ഫി​ഗോയെ അ​ടി​സ്ഥാ​ന​മാ​ക്കി ഒ​രു​ക്കി​യി​രി​ക്കു​ന്ന ഈ ക്രോ​സ്ഓ​വ​ർ, ഫ്രീ​സ്റ്റൈ​ൽ എന്ന പേരിലാണ് വിപണിയിലെത്തുക. ഈ വര്‍ഷം ഏപ്രിലിലായിരിക്കും ഈ പുതിയ സിയുവിയുടെ വിപണി പ്രവേശനം എന്നാണ് പുറത്തുവരുന്ന റിപ്പോര്‍ട്ടുകള്‍ നല്‍കുന്ന സൂചന. 

ചെ​റി​യ രീതിയിലുള്ള ഓ​ഫ്-​റോ​ഡിം​ഗ് സൗ​ക​ര്യ​ങ്ങളും പുതിയ ഫ്രീസ്റ്റൈലില്‍ ഉള്‍പ്പെടുത്തിയിട്ടുണ്ട്. മുന്‍‌വശത്തേക്ക് തള്ളി നില്‍ക്കുന്ന ബമ്പറും ഹെ​ക്സഗ​ണ​ൽ ഗ്രി​ല്ലും വ​ശ​ങ്ങ​ളി​ലെ സ്വീ​പ്പിം​ഗ് ലൈ​നു​കളും കൂ​ടു​ത​ൽ ചെ​രി​വു​ള്ള വി​ൻ​ഡ്ഷീ​ൽഡുകളുമാണ് പുതിയ സിയുവിയുടെ പ്രധാന ആകര്‍ഷണം. മാത്രമല്ല പ്രീ​മി​യം സ്റ്റൈ​ൽ ഡി​സൈ​നിംഗാണ് വാഹനത്തിന്റെ ഇന്റീരിയറില്‍ നല്‍കിയിരിക്കുന്നത്.   

6.5 ഇ​ഞ്ച് ട​ച്ച്സ്ക്രീ​ൻ ഇ​ൻ​ഫോ​ടെ​യ്ൻ​മെ​ന്‍റ് സിസ്റ്റവും ഇതിന്റെ പ്രത്യേകതയാണ്. കൂടാതെ ആ​റ് എ​യ​ർ​ബാ​ഗു​ക​ൾ, ബി​എ​സ്, ഇ​ബി​ഡി, ഇ​പാ​സ്(​ഇ​ല​ക്‌​ട്രി​ക് പ​വ​ർ അ​സി​സ്റ്റ​ഡ് സ്റ്റി​യ​റിം​ഗ്), ട്രാ​ക്‌​ഷ​ൻ ക​ൺ​ട്രോ​ൾ സി​സ്റ്റം, എ​ബി​എ​സ് എന്നിങ്ങനെയുള്ള അതിനൂതനമായ സുരക്ഷാസജ്ജീകരണങ്ങളും വാഹനത്തില്‍ ഉള്‍പ്പെടുത്തിയിട്ടുണ്ട്. 

പെ​ട്രോ​ൾ, ഡീ​സ​ൽ എന്നിങ്ങനെ രണ്ടു വേ​രി​യ​ന്‍റു​ക​ളിലും ല​ഭ്യ​മാകുന്ന ഈ വാ​ഹ​ന​ത്തി​ന് 1.2 ലി​റ്റ​ർ 96 പി​എ​സ് ഡ്രാ​ഗ​ൺ പെ​ട്രോ​ൾ എ​ൻ​ജി​നും 1.5 ലി​റ്റ​ർ 100 പി​എ​സ് ഡീ​സ​ൽ എ​ൻ​ജിനുമാണ് ക​രു​ത്തേകുന്നത്. പു​തി​യ അഞ്ച് സ്പീ​ഡ് മാ​ന്വ​ൽ ട്രാ​ൻ​സ്മി​ഷ​ൻ സം​വി​ധാനമാണ് ഫ്രീ​സ്റ്റൈ​ലി​ൽ ഇടം പിടിക്കുന്നത്. 6 മുതല്‍ 8 ല​ക്ഷം രൂപവരെയായിരിക്കും വാഹനത്തിന്റെ വിലയെന്നാണ് വിവരം.