എന്‍ട്രി ലെവല്‍ സെഗ്മെന്റില്‍ ഇനി കളി മാറും; പുതിയ ഭാവത്തില്‍ 660 സിസി ആള്‍ട്ടോയുമായി മാരുതി !

പുത്തന്‍ ഭാവത്തില്‍ 660 സിസി ആള്‍ട്ടോയുമായി മാരുതി

എന്‍ട്രി ലെവല്‍ സെഗ്മെന്റില്‍ പുതിയ ആള്‍ട്ടോയെ അവതരിപ്പിക്കാന്‍ മാരുതി ഒരുങ്ങുന്നു. മാരുതി പുറത്തിറക്കുന്ന ഒരോ പുതിയ കാറുകള്‍ക്കും ഇന്ത്യന്‍ വിപണിയില്‍ വലിയ സ്വാധീനം ചെലുത്താന്‍ കഴിയുന്നുണ്ടെന്ന തിരിച്ചറിവിലാണ് പുതിയ ആള്‍ട്ടോയുമായി കമ്പനി എത്തുന്നത്.

ക്രോസോവര്‍ പതിപ്പിലിറങ്ങുന്ന ഈ പുതിയ ആള്‍ട്ടോയെ 2018ലായിരിക്കും കമ്പനി അവതരിപ്പിക്കുക എന്നാണ് സൂചന. പുതിയ 660സിസി പെട്രോള്‍ എന്‍ജിനിലായിരിക്കും പുതിയ ആ‍ള്‍ട്ടോ എത്തുക എന്നും പുറത്തുവരുന്ന റിപ്പോര്‍ട്ടുകളില്‍ പറയുന്നു.

50 ബിഎച്ച്പി കരുത്തും 63 എന്‍എം ടോര്‍ക്കും നല്‍കുന്ന ത്രീ-സിലിണ്ടര്‍ 658 സിസി, RO6A പെട്രോള്‍ എന്‍ജിനാണ് പുതിയ ആള്‍ട്ടോയില്‍ മാരുതി ഉള്‍ക്കൊള്ളിക്കുക. 37 കിലോമീറ്ററാണ് പുതിയ ഓള്‍ട്ടോ കാഴ്ചവെക്കുന്ന ഇന്ധനക്ഷമത. പുതിയ ആള്‍ട്ടോയെ കുറിച്ചുള്ള കൂടുതല്‍ വിവരങ്ങള്‍ മാരുതി പുറത്ത് വിട്ടിട്ടില്ല.