‘ഇനി സ്‌കൂളുകളില്‍ ഹാജര്‍ വിളിക്കുമ്പോള്‍ കുട്ടികള്‍ പ്രസന്റ് എന്ന് പറയരുത് പകരം ‘ജയ്ഹിന്ദ്’ എന്ന് വിളിക്കണം ’: വിജയ്ഷാ

ഇനി സ്‌കൂളുകളില്‍ ഹാജര്‍ വിളിക്കുമ്പോള്‍ കുട്ടികള്‍ ‘ജയ്ഹിന്ദ്’ എന്ന് വിളിക്കണമെന്ന് വിജയ്ഷാ

അദ്ധ്യാപകര്‍ ഹാജര്‍ വിളിക്കുമ്പോള്‍ ഇനി പ്രസന്റ് എന്ന് പറയാന്‍ സാധിക്കില്ല പകരം ജയ്ഹിന്ദ് വിളിക്കണമെന്ന് മധ്യപ്രദേശ് വിദ്യഭ്യാസ മന്ത്രി വിജയ്ഷാ. പരീക്ഷണമെന്ന നിലയ്ക്ക് സത്‌ന ജില്ലയില്‍ ആദ്യം ഈ തീരുമാനം നടപ്പിലാക്കും ശേഷം മറ്റു ജില്ലകളിലേക്ക് കൂടെ വ്യാപിപ്പിക്കുമെന്നും വിജയ് ഷാ പറഞ്ഞു.

ഒക്ടോബര്‍ 1 മുതല്‍ തീരുമാനം നടപ്പിലാക്കാനാണ് സര്‍ക്കാര്‍ ആലോചിക്കുന്നതെന്ന് അദ്ദേഹം വ്യക്തമാക്കി. ദിവസവും ദേശീയ പതാക ഉയര്‍ത്തണമെന്നും ദേശീയഗാനം ചൊല്ലണമെന്നും വിജയ് ഷാ നേരത്തെ നിര്‍ദേശം നല്‍കിയിരുന്നു.