ബിജെപിയും സിപി‌എമ്മും പരസ്പരം പരസ്യമായി ആക്രമിക്കുന്നു, രഹസ്യമായി സഹായിക്കുന്നു: ആന്‍റണി

ബി ജെ പിയും സി പി എമ്മും പരസ്പരം പരസ്യമായി ആക്രമിക്കുകയും രഹസ്യമായി സഹായിക്കുകയുമാണെന്ന് എ കെ ആന്‍റണി. സംസ്ഥാനത്ത് കോണ്‍ഗ്രസ് എം പിമാരെ കുറയ്ക്കണമെന്ന കാര്യത്തില്‍ ബി ജെ പിയ്ക്കും സി പി എമ്മിനും ഒരേ മനസാണെന്നും ആന്‍റണി പറഞ്ഞു. 

സി പി എമ്മിന് കോണ്‍ഗ്രസ് ഭരണത്തേക്കാള്‍ പ്രിയം മോദി ഭരണത്തോടാണ്. കോണ്‍ഗ്രസുമായി സഹകരണം വേണ്ടെന്ന സി പി എം കേന്ദ്ര കമ്മിറ്റിയുടെ തീരുമാനത്തിനുപിന്നില്‍ കേരളത്തില്‍ നിന്നുള്ള നേതാക്കളാണെന്നും ആന്‍റണി പറഞ്ഞു.

നരേന്ദ്രമോദി ഭരണം തുടരുന്നതാണ് സി പി എം ഇഷ്ടപ്പെടുന്നത്. അതാണ് അവരുടെ കേന്ദ്ര കമ്മിറ്റി തീരുമാനം തെളിയിക്കുന്നത് - ആ‍ന്‍റണി പറഞ്ഞു.