ന്യൂജെന്‍ സന്യാസി, ഏത് യാത്രയിലും സ്ത്രീ സാന്നിധ്യം , പാട്ടും നൃത്തവും ഒക്കെ ഹൈലൈറ്റ്; റോക്ക്‌സ്റ്റാര്‍ ബാബ ആളു ചില്ലറക്കാരനല്ല !
റോക്ക്‌സ്റ്റാര്‍ ബാബ ആളു ചില്ലറക്കാരനല്ല !
പീഡന കേസില്‍ അറസ്റ്റിലായ ഗുര്‍മീത് റാം റഹീം സിങ് സന്യാസിയാണെങ്കിലും അദ്ദേഹത്തിന്റെ ജീവിതം ആഡംബരങ്ങളുടെ പിറകെ ആയിരുന്നു. എല്ലാ സുഖ സൗകര്യങ്ങളും ആവോളം ആസ്വദിച്ചു. പാട്ടും നൃത്തവും ഒക്കെ ആയിരുന്നു ഇദ്ദേഹത്തിന്റെ ഹൈലൈറ്റ്. അങ്ങനെ ആരാധകര്‍ ഇദ്ദേഹത്തിന് ഒരു പേരും നല്‍കി. റോക്ക്‌സ്റ്റാര്‍ ബാബ എന്നായിരുന്നു അത്.
റേഞ്ച് റോവറിന്റെ എസ് യുവി ആണ് പ്രിയപ്പെട്ട വാഹനം. ഇത് ഒറ്റയ്ക്ക് ഡ്രൈവ് ചെയ്യുന്നത് ഏറെ പ്രിയപ്പെട്ട കാര്യമാണ്. കറുത്ത എന്‍ഡവര്‍ കാറുകള്‍ 16 എണ്ണം സ്വന്തമായി ഉണ്ട്. കൂടാതെ ലക്ഷങ്ങള്‍ വിലവരുന്ന സൂപ്പര്‍ ബൈക്കുകളും ബുള്ളറ്റുകളും.
സ്വന്തം നാട്ടില്‍ പുറത്തിറങ്ങണമെങ്കില്‍ നൂറ് അകമ്പടി വാഹനങ്ങള്‍ എങ്കിലും വേണം. അന്യദേശങ്ങളില്‍ എത്തിയാലും വേണം അമ്പതില്‍ കുറയാത്ത അകമ്പടി വാഹനങ്ങള്‍. ഏത് യാത്രയിലും സ്ത്രീ സാന്നിധ്യം നിര്‍ബന്ധമാണ് ഇദ്ദേഹത്തിന്.
തന്റെ അനുയായികളായ ഭക്തകളെ തന്നെയാണ് ഇതിനായി കൂടെ കൂട്ടുക. കേരളത്തില്‍ പലതവണ വന്നപ്പോഴും ഇത് തന്നെ ആയിരുന്നു സ്ഥിതി. രാഷ്ട്രീയ നേതാക്കളെ വെല്ലുന്ന സുരക്ഷയാണ് ഗുര്‍മീത് റാം റഹീം സിങ്ങിനുള്ളത്. പഞ്ചാബിലെ കോണ്‍ഗ്രസ് സര്‍ക്കാര്‍ ആയിരുന്നു ഈ സുരക്ഷ നല്‍കിയിരുന്നത്.
തുടക്കത്തില്‍ കോണ്‍ഗ്രസ്സിനായിരുന്നു ഇദ്ദേഹം പിന്തുണ നല്‍കിയത്. എന്നാല്‍ ഇപ്പോള്‍ ബിജെപിയെ ആണ് ഗുര്‍മീത് റാം റഹീം സിങ് പിന്തുണയ്ക്കുന്നത്. 2014 ലെ ഹരിയാണ തിരഞ്ഞെടുപ്പ് മുതലാണ് റാം റഹീം സിങ് ബിജെപിയെ പിന്തുണച്ചുപോരുന്നത്.
