ഗുജറാത്തിൽ കോൺഗ്രസിനെ സഹായിക്കാൻ പലരും തയ്യാറായിരുന്നു, രാഹുൽ ഗാന്ധിയിൽ വിശ്വാസമില്ല: പ്രകാശ് അംബേദ്ക്കർ

രാഹുൽ ഗാന്ധിക്കെതിരെ പ്രകാശ് അംബേദ്ക്കർ

കോൺഗ്രസിൽ വിശ്വാസമില്ലെന്ന് ഡോ. ബിആര്‍ അംബേദ്ക്കറിന്റെ പുത്രൻ പ്രകാശ് അംബേദ്ക്കര്‍. ഗുജറാത്ത് തെരഞ്ഞെടുപ്പ് സംബന്ധിച്ച് പല പാർട്ടികളും വ്യക്തികളും കോൺഗ്രസിനെ സഹായിക്കാൻ തയയറായിരുന്നിട്ടും അതൊന്നും ഫലപ്രദമായ രീതിയിൽ ഉപയോഗിക്കാൻ കഴിഞ്ഞില്ലെന്നും അദ്ദേഹം വ്യക്തമാക്കി.

നിർണായക അവസരമാണ് കോൺഗ്രസ് ഗുജറാത്ത് തെരഞ്ഞെടുപ്പിൽ പാഴാ‌ക്കിയതെന്നും അദ്ദേഹം പറഞ്ഞു. കോൺഗ്രസിലും രാഹുൽ ഗാന്ധിയിലും വിശ്വാസമില്ല. ദേശീയ തലത്തില്‍ മൂന്നാം ശക്തി വളർന്നു വരും. മോദിയും രാഹുല്‍ ഗാന്ധിയും തമ്മിലുള്ള പോരാട്ടമായി തിരഞ്ഞെടുപ്പ് ചിത്രത്തെ മാറ്റിയെന്നും പ്രകാശ് അംബേദ്കര്‍ കുറ്റപ്പെടുത്തുന്നു.

ഗുജറാത്തില്‍ ആദ്യഘട്ടത്തില്‍ ഉണ്ടായിരുന്ന മുന്‍ തൂക്കം നിലനിര്‍ത്താന്‍ പിന്നീട് കോണ്‍ഗ്രസിനായില്ല. പ്രദേശികമായി സഖ്യങ്ങളുണ്ടാക്കുന്നതിലും കോണ്‍ഗ്രസിന് പിഴച്ചു. രാഹുലിന്റെ നേതൃത്വം കൊണ്ട് ഗുജറാത്തിൽ കോൺഗ്രസിനു ഒരു നേട്ടവും ഉണ്ടാക്കാൻ സാധിച്ചിട്ടില്ലെന്നും പ്രകാശ് അംബേദ്ക്കർ പറഞ്ഞു.