യുവതിയെ പീഡിപ്പിച്ചെന്ന് പരാതി; കേന്ദ്രമന്ത്രിക്കെതിരെ കേസ്

കേന്ദ്രമന്ത്രി രഞ്ജൻ ഗൊഹോയിനെതിരെ പീഡന പരാതിയുമായി യുവതി രംഗത്ത്. ഏഴ് മാസം മുമ്പ് ഭർത്താവില്ലാത്ത ദിവസം മന്ത്രി യുവതിയുടെ വീട്ടിലെത്തുകയും തുടർന്ന് പീഡനത്തിനിരയാക്കുകയുമായിരുന്നെന്ന് പരാതിയിൽ പറയുന്നു. യുവതിയുടെ പരാതിയെത്തുടർന്ന് അസം പൊലീസ് മന്ത്രിക്കെതിരെ കേസെടുത്തു.

ഓഗസ്റ്റ് രണ്ടിനാണ് യുവതി പൊലീസില്‍ പരാതിപ്പെടുന്നത്. വര്‍ഷങ്ങളായി പരിചയമുണ്ടായിരുന്ന യുവതിയുടെ വീട്ടിലെ സ്ഥിരം സന്ദര്‍ശകനായിരുന്നു മന്ത്രി.

കേസിനെ കുറിച്ച് കൂടുതല്‍ വിവരങ്ങള്‍ ഒന്നും തന്നെ പുറത്തുവിട്ടിട്ടില്ല. ബലാത്സംഗ കുറ്റത്തിന് മന്ത്രിയ്ക്ക് എതിരെ എഫ്ഐആര്‍ രജിസ്റ്റര്‍ ചെയ്തിട്ടുണ്ടെന്നും അന്വേഷണം ആരംഭിച്ചിട്ടുണ്ടെന്നും നാഗോണ്‍ ഡെപ്യൂട്ടി പൊലീസ് സൂപ്രണ്ട് സബിത ദാസ് അറിയിച്ചു. 

ഐപിസി 417 (വഞ്ചനാ), ഐപിസി 376 ബലാത്സംഗം, ഐപിസി 506 (ക്രിമിനല്‍ കുറ്റം) എന്നീ കുറ്റങ്ങളാണ് പരാതിയില്‍ മന്ത്രിയ്ക്ക് എതിരെ ചുമത്തിയിട്ടുള്ളത്. മന്ത്രിയെ ഉടൻ അറസ്‌റ്റ് ചെയ്യുമോ എന്ന കാര്യത്തിൽ ഇതുവരെയും വ്യക്തതയായിട്ടില്ല.