ജനങ്ങളുടേതല്ല, ശശികലയുടെ കുടുംബത്തിന്റേതാണ് ഈ സര്‍ക്കാര്‍; ജനവിരുദ്ധ സര്‍ക്കാരിനെ നീക്കുന്നതുവരെ പോരാട്ടം തുടരും: ഒ പി എസ്

ഒ പനീര്‍സെല്‍വം മറീനയിലെ ജയലളിതയുടെ ശവകുടീരത്തിലെത്തി.

ഒ പനീര്‍സെല്‍വം മറീനയിലെ ജയലളിതയുടെ ശവകുടീരത്തിലെത്തി. അദ്ദേഹത്തോടൊപ്പം മധുസൂദനന്‍ പൊന്നയ്യന്‍, പി എച്ച് പാണ്ഡ്യന്‍ എന്നിവരുമുണ്ടായിരുന്നു. നിലവില്‍ ശശികലയുടെ കുടുംബത്തിന്റേതാണ് ഈ സര്‍ക്കാരെന്നും സത്യം വിജയിക്കുന്നതുവരെ തന്റെ പോരാട്ടം തുടരുമെന്നും ശശികലയെയും കുടുംബത്തെയും പുറത്താക്കുന്നതിന് ഇവിടുത്തെ ജനങ്ങള്‍ ശാപഥമെടുത്തിട്ടുണെന്നും ഒ പി എസ് പറഞ്ഞു.

എംഎല്‍എമാരെ ശശികലയും സംഘവും ഭീഷണിപ്പെടുത്തിയാണ് റിസോര്‍ട്ടില്‍ താമസിപ്പിച്ചിരുന്നത്. ജയലളിതയുടെ മരണത്തിന് ഉത്തരവാദികളായവര്‍ക്ക് എങ്ങനെയാണ് ഒരു സര്‍ക്കാര്‍ രൂപീകരിക്കാന്‍ കഴിഞ്ഞതെന്നാണ് പാര്‍ട്ടി അംഗങ്ങളും പൊതുജനങ്ങളും അദ്ഭുതപ്പെടുന്നതെന്നും പനീര്‍ശെല്‍വം പറഞ്ഞു. അതോടൊപ്പം തനിക്ക് ഉറച്ച പിന്തുണ നല്‍കിയ പാര്‍ട്ടി അംഗങ്ങളോട് പനീര്‍ശെല്‍വം നന്ദി അറിയിക്കുകയും ചെയ്തു.