പ്രധാനമന്ത്രിയോടുള്ള നന്ദി സൂചകമായി നവജാത ശിശുവിന് ലോക്ക്ഡൗൺ എന്ന് പേരിട്ട് മാതാപിതാക്കൾ

പ്രധാനമന്ത്രി നരേന്ദ്രമോദിയോടുള്ള നന്ദിസൂചകമായി നവജാതശിശുവിന് ലോക്ക്ഡൗൺ എന്ന് പേരിട്ട് മാതാപിതാക്കൾ.ഉത്തര്‍പ്രദേശിലെ ഡിയോറിയ ജില്ലയിലാണ് ഈ സംഭവം ഉണ്ടായത്.സ്വന്തം താത്പര്യങ്ങൾക്കുപരിയായി ദേശീയതാത്പര്യത്തിന്റെ പ്രാധാന്യം ഓർമിപ്പിക്കാനായാണ് കുഞ്ഞിന് ഈ പേരുനൽകിയതെന്ന് പിതാവ് പവൻ പറയുന്നു.

രാജ്യത്ത് ലോക്ക്ഡൗൺ പുരോഗമിക്കുന്നതിനിടയിലാണ് അവൻ ജനിച്ചത്. ജനങ്ങളെ രക്ഷിക്കുന്നതിനായി രാജ്യത്ത് മുഴുവനായും ലോക്ക്ഡൗൺ പ്രഖ്യാപിച്ച പ്രധാനമന്ത്രി നരേന്ദ്രമോദിയോടുള്ള നന്ദി സൂചകമായാണ് ഈ പേര് നൽകിയത്. ദേശീയ താത്പര്യം സംരക്ഷിക്കാനാണ് ലോക്ക് ഡൗൺ പ്രഖ്യാപിച്ചത്. അതിനാല്‍ കുട്ടിക്കും ലോക്ക്ഡൗൺ എന്ന് തന്നെ പേരിടാൻ തീരുമാനിക്കുകയായിരുന്നു-പവൻ പറഞ്ഞു.

ലോക്ക്ഡൗൺ ആയതിനാൽ ബന്ധുക്കളുൾപ്പടെ അരോടും വീട്ടിലേക്ക് വരരുതെന്ന് അഭ്യർത്ഥിച്ചിട്ടുണ്ടെന്നും കുട്ടി ജനിച്ചതിന്റെ ആഘോഷപരിപാടികൾ ലോക്ക്ഡൗൺ കഴിഞ്ഞതിന് ശേഷമെ നടത്തുകയുള്ളൂവെന്നും പവൻ പറഞ്ഞു.