രാജ്യത്ത് 24 മണിക്കൂറിനിടെ കൊവിഡ് സ്ഥിരീകരിച്ചത് 3.23 ലക്ഷത്തിലേറെ പേര്‍ക്ക്; മരണം 2771

രാജ്യത്ത് 24 മണിക്കൂറിനിടെ കൊവിഡ് സ്ഥിരീകരിച്ചത് 3,23,144 പേര്‍ക്കാണ്. കൂടാതെ 2771 പേരുടെ മരണം കൊവിഡ് മൂലമാണെന്ന് സ്ഥിരീകരിക്കുകയും ചെയ്തതായി കേന്ദ്ര ആരോഗ്യമന്ത്രാലയം അറിയിച്ചു. കഴിഞ്ഞ മണിക്കൂറുകളില്‍ 2,51,827 പേര്‍ രോഗമുക്തി നേടിയിട്ടുണ്ട്.

ഇതോടെ രാജ്യത്തെ ആകെ കൊവിഡ് ബാധിതരുടെ എണ്ണം 1,76,36,307 ആയിട്ടുണ്ട്. രോഗം മൂലം രാജ്യത്ത് ഇതുവരെ 1,97,894 പേര്‍ക്കാണ് ജീവന്‍ നഷ്ടപ്പെട്ടത്. നിലവില്‍ രാജ്യത്ത് ചികിത്സയില്‍ തുടരുന്നവരുടെ എണ്ണം 28,82,204 ആണ്. വാക്‌സിന്‍ സ്വീകരിച്ചവര്‍ 14,52,71,186 ആണ്.