മേല്‍‌ജാതിക്കാരന്റെ വീട്ടില്‍ ജോലിക്ക് പോകാന്‍ മടിച്ചു: ദളിത് സ്‌ത്രീയുടെ മൂക്ക് മുറിച്ചു - ഭര്‍ത്താവിനെ മര്‍ദ്ദിച്ചവശനാക്കി

മേല്‍‌ജാതിക്കാരന്റെ വീട്ടില്‍ ജോലിക്ക് പോകാന്‍ തയ്യാറാകാതിരുന്ന ദളിത് യുവതിയുടെ മൂക്ക് മുറിച്ചു. മധ്യപ്രദേശിലെ സാഗര്‍ ജില്ലയിലെ ഗ്രാമത്തിലാണ് ഞെട്ടിപ്പിക്കുന്ന സംഭവം. ജാനകീ ബായ് എന്ന വീട്ടമ്മയ്‌ക്കാണ് ഉപദ്രവം ഏല്‍ക്കേണ്ടിവന്നത്. കോടാലി ഉപയോഗിച്ചായിരുന്നു ആക്രമണം.

ഉന്നത ജാതിക്കാരന്റെ വീട്ടില്‍ ജോലിക്കെത്താന്‍ മടികാണിച്ചതോടെ യുവതിയുടെ ഭര്‍ത്താവിനെ ആക്രമിച്ച് പരുക്കേല്‍പ്പിക്കുകയായിരുന്നു.

പരുക്കേറ്റ ഭര്‍ത്താവുമായി ആശുപത്രിയിലേക്ക് പോകുമ്പോഴാണ് യുവതിക്കു നേരെ ആക്രമണം ഉണ്ടായത്. മര്‍ദ്ദിച്ച് അവശയാക്കിയ ശേഷം മൂക്ക് മുറിക്കുകയായിരുന്നു. ഇത് തടയാന്‍ ശ്രമിച്ച ഇവരുടെ ഭര്‍ത്താവിനെ അക്രമികള്‍ വീണ്ടും മര്‍ദ്ദിക്കുകയും ചെയ്‌തു.

ആശുപത്രിയില്‍ ചികിത്സ തേടിയ യുവതി വനിതാ കമ്മീഷന്‍ അദാലത്തില്‍ പരാതി നല്‍കിയതോടെയാണ് വിവരം പുറത്തറിഞ്ഞത്. സംഭവത്തില്‍ കേസെടുക്കാന്‍ പൊലീസിന് വനിതാ കമ്മീഷന്‍ നിര്‍ദേശം നല്‍കി.

വാങ്കഡയില്‍ വനിതാ കമ്മീഷന്‍ നടത്തിയ അദാലത്തില്‍ പരാതിയുമായി എത്തിയപ്പോഴാണ് വിവരം പുറം ലോകം അറിയുന്നത്. സംഭവത്തില്‍ കേസെടുക്കാന്‍ പൊലീസിന് വനിതാ കമ്മീഷന്‍ നിര്‍ദേശം നല്‍കി. നരേന്ദ്ര സിങ് മകന്‍ സാഹബ് സിങ്ങ് എന്നിവരാണ് അക്രമിച്ചതെന്നാണ് യുവതിയുടെ മൊഴി.